Nos boletíns oficiais da provincia da Coruña nº 181, nº 196 e nº 202, con datas do 21 de setembro de 2018, 15 de outubro de 2018 e 23 de outubro de 2018, publicáronse as bases aprobadas por resolucións da concelleira delegada de Facenda e Administración, por delegación da Xunta de Goberno Local, con data do 20 de agosto de 2018, relativas ás seguintes convocatorias de postos de libre designación:
– 1 posto de xefe/a de Servizo de Asesoría Xurídica.
– 1 posto de xefe/a de Servizo de Gabinete de Alcaldía.
– 1 posto de asistente de Protocolo.
– 4 postos de secretarias/os de Dirección.
– 3 postos de secretarias/os de Concellería.
O prazo de presentación de instancias será de quince días hábiles contados desde o día seguinte á publicación deste anuncio no Diario Oficial de Galicia.
Estas convocatorias e as súas resolucións publicaranse nos boletíns oficiais correspondentes.
A Coruña, 16 de novembro de 2018
O alcalde
P.D. (Decreto do 15.6.2016)
Eduardo Mera Rico
Director de Economía, Facenda e Administración