O Concello Pleno, en sesión que tivo lugar o día 25 de outubro de 2018, acordou aprobar definitivamente o estudo de detalle para a agregación de dúas unidades edificatorias (151104 e 151106) do Plan especial de protección, rehabilitación e reforma interior (PEPRI), redactado pola arquitecta Luisa Serrano García e solicitado por María de la O Cabezas Fernández, en representación da entidade mercantil Pazo de Orbán, S.L.
O contido íntegro do documento aprobado poderá consultarse no seguinte enderezo electrónico:
– http://lugo.gal/gl/actuacions/normativa-urbanistica
Así mesmo, faise constar que unha vez publicado este anuncio remitiráselle á Consellería de Medio Ambiente, Territorio e Vivenda unha copia dilixenciada, en soporte dixital, do documento aprobado definitivamente, para os efectos previstos nos artigos 82.4 e 88.3 da Lei 2/2016, do solo de Galicia.
Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.
Lugo, 16 de novembro de 2018
A alcaldesa
P.D. (Decreto 16008543)
Xosé Daniel Piñeiro Villares
Tenente de alcalde delegado da Área de
Desenvolvemento Sostible e Persoal