Logo de intentar en tempo e forma a práctica das notificacións dos actos administrativos que se relacionan no anexo sen que fose posible por causas non imputables á Administración e tendo en conta que a publicación do seu contido íntegro pode lesionar dereitos e intereses lexítimos, de conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio notifícanse ás persoas interesadas que se sinalan no anexo, ou aos seus representantes, os requirimentos que se indican.
Para coñecer o contido íntegro dos actos que se notifican, as persoas interesadas ou os seus representantes debidamente acreditados poderán comparecer, no prazo de dez (10) días contados desde o día seguinte ao da publicación deste anuncio no Boletín Oficial del Estado, nas dependencias do Servizo de Dependencia e Autonomía Persoal da Consellería de Política Social sitas na praza da Estrela, s/n, 3ª planta, Vigo, das 9.00 ás 14.00 horas, de luns a venres. Transcorrido o dito prazo sen efectuarse a comparecencia, a notificación entenderase producida para todos os efectos legais a partir do día seguinte ao do vencemento do prazo indicado para comparecer.
Advírtese que no caso de requirimentos de documentación necesaria para a instrución do expediente, de non cumprir co requirido e de conformidade co establecido no artigo 35.2 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do programa individual de atención e a organización e funcionamento dos órganos técnicos competentes, e a norma de procedemento administrativo común, transcorridos tres (3) meses sen que a persoa realice as actividades esenciais requiridas para continuar a tramitación, a Administración declarará a caducidade do procedemento, acordándose o arquivamento das actuacións que lle será notificado á persoa interesada.
Vigo, 17 de novembro de 2018
Marta Iglesias Bueno
Xefa territorial de Vigo
ANEXO
Procedemento/ Nº de expediente |
Apelidos e nome/DNI |
Acto obxecto de notificación |
Data do documento |
BS210A VI-12143 |
González González, Adolfo (*****882F) |
Requirimento de documentación necesaria |
3.5.2018 |
BS210A VI-12628 |
Landesa Pérez, Isabel (*****947Y) |
Requirimento de documentación necesaria |
3.5.2018 |
BS210A VI-39387 |
Duarte Vieira, Claudio (*****726K) |
Requirimento de documentación necesaria |
19.4.2018 |