De conformidade co disposto na Lei orgánica 6/2001, do 21 de decembro (BOE do 24 de decembro), de universidades, modificada pola Lei orgánica 4/2007, do 12 de abril (BOE do 13 de abril), en diante, LOU, e no Decreto 266/2002, do 6 de setembro (DOG do 17 de setembro), da Xunta de Galicia, sobre contratación de profesorado universitario, e a teor do establecido nos estatutos da Universidade de Vigo, aprobados polo Decreto 7/2010, do 14 de xaneiro (DOG do 2 de febreiro), da Xunta de Galicia, conforme os acordos adoptados polo Consello de Goberno, tras obter a autorización da Comunidade Autónoma de Galicia, e publicada no Diario Oficial de Galicia a oferta de emprego pública do persoal docente e investigador para o ano 2017 (Resolución do 19 de decembro de 2017, DOG do 21 de decembro, e Resolución do 29 de xaneiro de 2018, DOG do 19 de febreiro),

Esta reitoría, no uso das competencias recoñecidas pola LOU, resolveu convocar a concurso a/as praza/s que figura no anexo I da presente resolución, con suxeición ás seguintes

Bases da convocatoria

Primeira. Normas xerais

Este concurso rexerase pola LOU, polo Decreto 266/2002, a Lei 39/2015, do 1 de outubro, do procedemento administrativo común das administracións públicas (BOE do 2 de outubro), en diante, Lei 39/2015, a Lei 40/2015, do 1 de outubro, de réxime xurídico do sector público (BOE do 2 de outubro), en adiante Lei 40/2015, no Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público (BOE do 31 de outubro), en diante, EBEP, os estatutos da Universidade de Vigo, polo Regulamento de profesorado da Universidade de Vigo aprobado polo Claustro Universitario o 24 de xullo de 2012, e pola normativa reguladora dos concursos de acceso aos corpos docentes universitarios e do procedemento de selección de profesorado contratado doutor con vinculación permanente na Universidade de Vigo, aprobada polo Consello de Goberno o 8 de outubro de 2008, polas bases desta convocatoria e demais normativa que resulte de aplicación.

Segunda. Requisitos das persoas candidatas

2.1. Para poder ser admitidas á realización destas probas selectivas, as persoas que sexan aspirantes deberán reunir os requisitos exixidos nesta base na data de finalización do prazo de presentación de solicitudes e mantelos ata a formalización do contrato:

a) Ter nacionalidade española ou ser nacional dun Estado membro da Unión Europea ou nacional daqueles Estados, aos cales, en virtude de tratados internacionais celebrados pola Unión Europea e ratificados por España, lles sexa de aplicación a libre circulación de traballadores e traballadoras nos termos establecidos no EBEP.

Tamén poderán participar o cónxuxe, descendentes e descendentes do cónxuxe, das persoas con nacionalidade española e de quen sexa nacional doutros estados membros da Unión Europea, sempre que non estean separados de dereito, menores de vinte e un anos ou maiores da dita idade que vivan ás súas expensas. Este último beneficio será igualmente de aplicación a familiares de nacionais doutros Estados cando así se prevexa nos tratados internacionais celebrados pola Unión Europea e ratificados por España.

Os nacionais de Estados distintos dos apuntados anteriormente poderán tamén participar nos concursos e ser contratados sempre que se atopen legalmente en España, dispoñendo do documento que lles habilite para residir e acceder sen limitacións ao mercado de traballo.

b) Ter cumpridos os dezaseis anos de idade e non exceder da idade máxima de xubilación forzosa.

c) Estar en posesión da titulación de doutor ou doutora. No caso de títulos obtidos no estranxeiro deberá achegarse credencial que acredite a súa homologación ou o seu recoñecemento para o exercicio como docente de universidade.

d) Acreditar a avaliación positiva pola Axencia Nacional de Avaliación da Calidade e Acreditación ou pola Axencia para a Calidade do Sistema Universitario de Galicia. Quen pertenza aos corpos docentes universitarios e as persoas candidatas que se atopen habilitadas ou acreditadas para eles resultarán admitidas nos termos e condicións establecidos na Resolución da Dirección Xeral de Universidades do 18 de febreiro de 2005 (BOE do 4 de marzo).

e) Ter aboadas as taxas por dereitos de exame dentro do prazo de presentación de solicitudes.

f) Non ter sido separado do servizo, mediante expediente disciplinario, de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos. As persoas aspirantes cuxa nacionalidade non sexa a española deberán acreditar non estaren inhabilitados ou en situación equivalente, nin estar sometidas a sanción disciplinaria ou equivalente que impida, no seu Estado, nos mesmos termos o acceso ao emprego público.

g) Posuír a capacidade funcional para o desempeño das tarefas correspondentes á praza.

Terceira. Solicitudes

3.1. A solicitude de participación farase cubrindo o formulario integrado na aplicación web da Universidade de Vigo. Para presentar a solicitude de participación, as persoas interesadas deberán cubrir o formulario web da solicitude que se atopa establecido especificamente para a praza e corpo correspondente, dispoñible no enlace https://secretaria.uvigo.gal/uv/web/convocatoria/public/index, no prazo de vinte días hábiles, contados a partir do día seguinte ao da publicación desta convocatoria no Diario Oficial de Galicia. Cando o último día do prazo sexa inhábil, entenderase prorrogado ao primeiro día hábil seguinte.

3.2. Unha vez cuberta e validada a solicitude a través da aplicación web, esta deberá ser impresa, asinada e presentada no Rexistro Xeral (Reitoría, Campus Universitario, 36310 Vigo), ou nos rexistros auxiliares da Universidade de Vigo (Campus de Pontevedra, Campus de Ourense e r/ Torrecedeira, nº 86, de Vigo), ou de acordo coas restantes formas previstas no artigo 16.4 da Lei 39/2015.

As solicitudes remitidas a través dunha oficina de Correos presentaranse en sobre aberto para que o persoal de Correos lle estampe a data de presentación na solicitude antes de ser certificada. O enderezo postal será o seguinte:

Rexistro Xeral da Universidade de Vigo

Edificio Exeria-Servizos Centrais

Campus Lagoas-Marcosende, s/n

36310 Vigo (Pontevedra)

As solicitudes remitidas desde o estranxeiro deberán cursarse a través das representacións diplomáticas ou consulares españolas correspondentes, debendo figurar igualmente a data da súa presentación na solicitude. Neste caso, a presentación da solicitude comunicarase por correo electrónico á conta consultapdi@uvigo.es, enviando copia desta despois de presentala.

3.3. A publicación dos actos que integran este procedemento no taboleiro de anuncios do Edificio Exeria-Servizos Centrais servirá de notificación para todos os efectos, de acordo co previsto no artigo 45.1 da Lei 39/2015.

Con independencia dos lugares en que regulamentariamente deban publicarse, tanto a convocatoria como os actos e acordos que integran este proceso selectivo publicaranse a título divulgativo na páxina electrónica da Universidade de Vigo, no seguinte enderezo https://secretaria.uvigo.gal/uv/web/convocatoria/public/index.

3.4. Os dereitos de exame para cada praza CD1801 serán de 41,56 euros. A liquidación de taxas realizarase a través da aplicación web da Universidade de Vigo habilitada para a participación no concurso de acceso. Poderá aboarse o importe correspondente no período indicada na folla de liquidación, ben en efectivo ou con tarxeta.

En efectivo farase nalgunha das entidades bancarias colaboradoras coa Universidade de Vigo: Abanca, Banco Santander ou CaixaBank. Con tarxeta realizarase a través da aplicación informática que permitirá seleccionar esta opción, sendo preciso seguir con atención o proceso ata súa finalización, comprobando que o pagamento foi feito correctamente.

Segundo o disposto no artigo 23 da Lei 6/2003, do 9 de decembro, de taxas, prezos e exaccións da Comunidade Autónoma de Galicia, estarán exentas do pagamento as persoas con discapacidade igual ou superior ao 33 % e os membros de familias numerosas clasificadas na categoría especial. Aplicarase unha bonificación do 50 % na taxa de inscrición aos membros de familias numerosas de categoría xeral. Nos tres supostos será necesario que coa solicitude presenten as respectivas certificacións que o acrediten.

Así mesmo, terán unha bonificación do 50 % da taxa as persoas que figurasen como demandantes de emprego desde, polo menos, os seis meses anteriores á data de publicación da presente convocatoria e non estean a percibir prestación ou subsidio por desemprego, aspectos que deberán ser certificados pola oficina dos servizos públicos de emprego.

A falta de pagamento dos dereitos de exame no prazo de presentación de instancias non é reparable e determinará a exclusión definitiva do concurso de quen sexa aspirante, agás que se acredite o pago ou a exención do pagamento da citada taxa.

3.5. Durante o proceso de inscrición descrito na base 3.1 achegarase nun fichero pdf os seguintes documentos, sendo causa de exclusión a falta dalgún deles:

a) Fotocopia do documento nacional de identidade. Quen sexa aspirante, non posúa a nacionalidade española e teña dereito a participar deberá presentar fotocopia do documento que acredite a súa nacionalidade e, de ser o caso, os documentos que acrediten o vínculo de parentesco e o feito de vivir a expensas ou estar a cargo de quen sexa nacional doutro Estado co que teña o dito vínculo. Así mesmo, deberá presentar declaración xurada ou promesa de non estar separado de dereito do seu cónxuxe e, se é o caso, do feito de que vive ás súas expensas ou está ao seu cargo.

b) Fotocopia do título de doutor ou doutora. Cando corresponda, deberá acompañarse da credencial de homologación ou recoñecemento profesional.

c) Fotocopia da credencial da avaliación positiva da súa actividade docente e investigadora expedida pola axencia ou órgano de avaliación competente. A persoa que sexa funcionaria dos corpos docentes universitarios deberá presentar certificación de servizos prestados acreditativa de tal condición e as persoas candidatas que se atopen habilitadas copia da credencial que o acredite.

d) No suposto de ser docente dunha praza de igual categoría deberá presentar folla de servizos orixinal que acredite o seu desempeño.

e) Xustificante, se é o caso, da exención parcial ou total de taxas.

3.6. Os erros de feito que se puidesen advertir poderanse emendar en calquera momento, de oficio ou por petición da persoa interesada. Quen sexa aspirante queda vinculado aos datos que fixese constar na súa solicitude, podendo unicamente demandar a súa modificación mediante escrito motivado, dentro do prazo establecido na base 3.1. para a presentación de solicitudes. Transcorrido este prazo non se admitirá ningunha petición desta natureza, excepto causa excepcional sobrevida, xustificada e discrecionalmente apreciada pola universidade.

Cuarta. Admisión de aspirantes

4.1. No prazo máximo de 15 días hábiles desde o remate do prazo de presentación de solicitudes, o reitor da Universidade de Vigo ditará unha resolución aprobando a relación provisional de persoas admitidas e excluídas, con indicación das causas de exclusión.

4.2. As persoas interesadas poderán presentar reclamación ante o reitor contra a dita resolución, no prazo de dez días hábiles contado desde o día seguinte ao da súa publicación. Posteriormente ditarase unha resolución aprobando a relación definitiva de persoas admitidas e excluídas. As reclamacións entenderanse resoltas coa publicación da lista definitiva.

Quinta. Comisións de acceso

5.1. As comisións de acceso deberán procurar unha composición equilibrada entre mulleres e homes, agás cando non sexa posible por razóns fundadas e obxectivas, debidamente motivadas. De acordo co que establece o artigo 83 dos estatutos da Universidade de Vigo, a composición das comisións é a que figura no anexo II desta convocatoria e terá a categoría primeira das recollidas no artigo 30 do Real decreto 462/2002, do 24 de maio, sobre indemnizacións por razón do servizo.

Agás petición expresa da presidencia e debidamente autorizada, cada comisión terá a súa sede e actuará no centro en que teña a súa sede o departamento a que se adscriba a praza convocada.

A universidade fará públicos coa publicación da convocatoria os currículum vítae dos membros das comisións de acceso no enderezo da internet: https://secretaria.uvigo.gal/uv/web/convocatoria/public/index.

O nomeamento como membro dunha comisión é irrenunciable, agás cando concorra causa xustificada, debidamente alegada pola persoa interesada e así apreciada por esta reitoría. Os membros da comisión deberán absterse de actuar e poderán ser recusados nos casos e polos motivos previstos no artigo 23 da Lei 40/2015. Resolta a renuncia, a abstención ou a recusación, as persoas afectadas serán substituídas polos respectivos suplentes e, na súa falta, por orde correlativa e en último caso resolverá o reitor.

5.2. As comisións deberán constituírse no prazo dun mes desde a publicación da relación definitiva de persoas admitidas e excluídas. Transcorrido o prazo sen que se constituíse a comisión correspondente, o reitor procederá á substitución da persoa que exerza a presidencia titular.

5.3. A constitución de cada comisión exixirá a asistencia de cinco dos seus membros, titulares ou suplentes, se é o caso. A presidencia, unha vez realizadas as consultas pertinentes cos restantes membros, convocará a quen sexa membro titular e, se é o caso, suplente, cunha antelación mínima de dez días hábiles, fixando lugar, data e hora para proceder ao acto de constitución da comisión, que poderá realizarse por calquera dos procedementos que permitan os medios tecnolóxicos dispoñibles, neste suposto quedará recollido na acta tal circunstancia. Os membros titulares serán substituídos polos seus respectivos suplentes, en primeiro lugar, ou por orde correlativa.

No acto de constitución a comisión establecerá os criterios de valoración do concurso adecuados ao perfil da praza e faraos públicos no taboleiro de anuncios do lugar onde se celebren as probas, antes do acto de presentación dos candidatos e candidatas.

5.4. Unha vez constituída a comisión, en caso de ausencia da persoa que exerza a presidencia será substituída polo catedrático ou catedrática de universidade con maior antigüidade que teña recoñecidos, polo menos, dous tramos de investigación.

5.5. Para que a comisión poida actuar validamente requirirase a asistencia de, polo menos, tres dos seus membros entre os que figurarán obrigatoriamente as persoas que ocupen a presidencia e a secretaría. Os membros da comisión que estivesen ausentes da proba cesarán en tal condición, sen prexuízo das responsabilidades en que puidesen ter incorrido.

5.6. Á secretaria de cada comisión corresponderanlle as actuacións administrativas e a xestión económica propias da comisión, auxiliada polo persoal de administración e servizos do departamento a que estea adscrita a praza.

5.7. Durante o desenvolvemento do concurso, a comisión resolverá as dúbidas que puidesen xurdir na aplicación destas normas, así como o que proceda nos casos non previstos nelas. En todo momento a súa actuación axustarase ao disposto na Lei 39/2015 e a Lei 40/2015.

Sexta. Acto de presentación e proba

6.1. A presidencia da comisión convocará a quen participe no concurso ao acto de presentación cunha antelación mínima de dez días hábiles, indicando lugar e hora para realizar o acto de presentación.

6.2. No acto de presentación, que será público, quen sexa concursante entregará:

a) Currículum vítae por sextuplicado, que deberá axustarse ao modelo que se achega como anexo III, en que detallarán os seus méritos, historial académico docente e investigador.

b) O seu proxecto docente e investigador adecuado ao perfil do concurso, tamén por sextuplicado.

c) Un exemplar das publicacións e dos documentos acreditativos do consignado no currículum vítae, con independencia de que a comisión poida solicitar documentación complementaria acreditativa orixinal ou compulsada.

6.3. No acto de presentación determinarase, mediante sorteo, a orde de actuación das persoas candidatas, e a comisión fixará e publicará no taboleiro, o lugar, a data e a hora de comezo da proba, a cal deberá iniciarse no prazo máximo de dez (10) días hábiles, contados desde o día do acto de presentación. Este prazo poderá ser renunciable por escrito polas persoas concursantes. Igualmente, a comisión fixará o prazo durante o que poderán examinar a documentación presentada polas restantes persoas que concursen.

6.4. A comisión valorará exclusivamente os méritos que, sendo alegados no currículum vítae por quen sexa aspirante, estean debidamente xustificados, sempre referidos á data de remate do prazo de presentación de solicitudes.

6.5. Os concursos realizaranse en dependencias da Universidade de Vigo. Constarán dunha única proba, que será pública e que consistirá na exposición oral, durante un tempo mínimo de trinta minutos e máximo de dúas horas, dos méritos e historial académico docente e investigador, así como do proxecto docente e investigador presentado. A continuación, a comisión debaterá co candidato ou candidata durante un tempo máximo de dúas horas sobre os seus méritos, o seu proxecto docente e investigador e a adecuación destes ao perfil da praza obxecto de concurso.

6.6. Finalizada a proba, cada membro da comisión entregaralle á presidencia un informe razoado axustado aos criterios previamente fixados, de cada unha das persoas que concursen, con expresión explícita de voto favorable ou desfavorable.

6.7. Para superar a proba é necesario obter, polo menos, tres votos favorables dos membros da comisión. De non acadar ningunha candidatura polo menos tres votos favorables, o proceso poderá concluír coa proposta de non provisión, que deberá ser suficientemente motivada.

6.8. A proposta de provisión de prazas realizarase con base nos votos favorables recibidos dos membros da comisión. En caso de empate recorrerase á votación, sen que sexa posible a abstención. De persistir o empate, dirimirá o voto da presidencia.

Sétima. Proposta, presentación de documentos e formalización de contratos

7.1. A comisión elevará ao reitor, motivadamente e con carácter vinculante, a relación de todas as persoas que superen a proba por orde de preferencia. A comisión poderá propor a non provisión da praza xustificando esta decisión. Este acordo publicarase no centro onde se celebre a proba e servirá de notificación ás persoas interesadas para todos os efectos.

7.2. No prazo dos tres días hábiles seguintes ao de finalización da súa actuación, a secretaría da comisión entregará no Servizo de Persoal Docente e Investigador da Universidade de Vigo a documentación completa relativa ás súas actuacións e un exemplar da documentación presentada por cada persoa que concursase.

7.3. As persoas propostas para a provisión das prazas deberán presentar no prazo dos vinte días hábiles seguintes ao de publicación da proposta da comisión no lugar de celebración da proba, nos lugares e conforme ao procedemento previsto na base 3.2, os seguintes documentos:

a) A documentación recollida na base 3.5: fotocopia do documento de identidade, fotocopia compulsada do título de doutor ou doutora, fotocopia compulsada da acreditación e folla orixinal da universidade ou organismo para os aspirantes que non pertenzan á Universidade de Vigo.

b) Declaración xurada ou promesa de non incorrer en incompatibilidade segundo o establecido na Lei 53/1984, do 26 de setembro, de incompatibilidades do persoal ao servizo das administracións públicas (BOE do 4 de xaneiro de 1985), en diante, Lei 53/1984.

c) Declaración xurada ou promesa de non ter sido separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos de conformidade co establecido no artigo 56.1.d) do EBEP.

No caso de ser nacional doutro Estado, acreditar non encontrarse inhabilitado ou en situación equivalente nin ter sido sometido a sanción disciplinaria ou equivalente que impida, no seu Estado, nos mesmos termos, o acceso ao emprego público.

d) Certificado médico oficial de non padecer enfermidade nin defecto físico ou psíquico que lle incapacite para o desempeño das funcións correspondentes a docente de universidade.

Quen teña a condición de funcionario de carreira estará exento de xustificar e presentar os documentos das alíneas b) e c), tendo que presentar certificado (folla de servizos prestados) da universidade ou organismo de que dependa, que acredite a súa condición e as circunstancias que consten na folla de servizos. De acordo coa base 3.3 d), non será necesario o dito certificado cando xa se achegase coa solicitude de participación.

7.4. O reitor da Universidade de Vigo efectuará o nomeamento como profesor contratado doutor ou como profesora contratada doutora das persoas propostas pola comisión nun número delas que non exceda o número de prazas convocadas a concurso, unha vez que acheguen a documentación requirida en prazo; de non facelo, o reitor procederá, se é o caso, ao nomeamento da seguinte persoa na orde proposta.

7.5. O nomeamento especificará a denominación da praza, categoría e área de coñecemento, e remitirase para a súa publicación ao Diario Oficial de Galicia.

7.6. No prazo máximo de vinte días hábiles, contado desde o seguinte ao da publicación do nomeamento no Diario Oficial de Galicia, formalizarase a contratación da persoa proposta. A sinatura do contrato ten carácter persoal e intransferible. No caso de que non asine no prazo sinalado sen autorización expresa, considerarase que renuncia á praza e poderase proceder ao nomeamento da seguinte persoa na orde prevista na base 7.1.

7.7. O contrato terá duración indefinida e a xornada de traballo será a fixada con carácter xeral para os corpos docentes universitarios. O período de proba será de 6 meses, considerándose superado sempre que non conste obxección expresa contraria dentro dese prazo.

7.8. As referencias a necesidades e obrigacións docentes e ao centro de adscrición que poida conter a convocatoria non suporán para quen teña adxudicada a praza dereito de vinculación exclusiva a tal actividade docente e destino.

7.9. O contrato estará suxeito á Lei 53/1984. O seu incumprimento será causa de extinción do contrato.

Oitava. Comisión de reclamacións

8.1. Contra a proposta da comisión, as persoas admitidas no concurso poderán presentar reclamación ante o reitor da Universidade de Vigo, no prazo máximo de dez días hábiles, contado desde o seguinte ao da súa publicación no lugar de celebración da proba. Admitida a trámite a reclamación, suspenderase o nomeamento ata a súa resolución definitiva.

8.2. As reclamacións que se presenten anunciaranse no taboleiro de anuncios do Rexistro Xeral da Universidade de Vigo, publicación que servirá de notificación para todos os efectos. As persoas interesadas disporán dun prazo de dez días hábiles para formular alegacións en orde ao contido da reclamación.

8.3. As reclamacións serán valoradas pola comisión de reclamacións da Universidade de Vigo que examinará o expediente relativo ao concurso, valorará os aspectos puramente procedimentais, e verificará o efectivo respecto, por parte da comisión de selección, da igualdade de condicións dos candidatos e candidatas e dos principios de mérito e de capacidade deles no procedemento do concurso de acceso. Resolverá no prazo máximo de tres meses, ratificando ou non a proposta reclamada. Neste último caso, retrotaerase o expediente ata o momento en que se produciu o vicio, debendo a comisión de selección formular nova proposta, tras o que o reitor ditará a resolución de acordo coa proposta da comisión de reclamacións.

8.4. As resolucións do reitor a que se refire o punto anterior deste artigo esgotan a vía administrativa e serán impugnables directamente ante a xurisdición contencioso-administrativa, de acordo co establecido na Lei 29/1998, do 13 de xullo, reguladora da xurisdición contencioso-administrativa.

Novena. Devolución da documentación presentada polos/as aspirantes

A documentación presentada no concurso deberá ser retirada da Secretaría Xeral, logo de petición da persoa interesada, dentro do prazo de tres meses contado desde a finalización do procedemento ou, se é o caso, desde que a resolución impugnada adquira firmeza. A documentación que non sexa retirada no dito prazo será destruída.

Décima. Protección de datos

De conformidade co disposto na Lei orgánica 15/1999, do 13 de decembro, de protección de datos de carácter persoal (BOE nº 298, do 14 de decembro), os datos facilitados por quen sexa aspirante, pasarán a formar parte do ficheiro de persoal, cuxa finalidade é a xestión do persoal da Universidade de Vigo, xestión da docencia e investigación, xestión da participación do persoal nos servizos e actos administrativos, así como a xestión da participación dos candidatos e candidatas nos procesos de selección. Os datos contidos neste arquivo poderán ser tratados con fins históricos, estatísticos ou científicos.

Undécima. Norma derradeira

11.1. O tempo transcorrido entre a publicación da presente convocatoria e a resolución do concurso non poderá exceder de catro meses. Para estes efectos o mes de agosto considerarase inhábil.

11.2. Contra esta resolución, que esgota a vía administrativa, poderase interpoñer recurso ante a xurisdición contencioso-administrativa no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

As persoas interesadas poderán optar por interpoñer recurso de reposición no prazo dun mes contado a partir do día seguinte ao da publicación desta resolución, perante o reitor. Neste caso non se poderá interpoñer recurso contencioso- administrativo ata que sexa resolto expresamente ou se produza a desestimación presunta do recurso de reposición interposto, segundo o previsto no artigo 123.2 da Lei 39/2015.

Vigo, 19 de novembro de 2018

Manuel Joaquín Reigosa Roger
Reitor da Universidade de Vigo

ANEXO I

Datos das prazas

Praza nº 1.

Referencia:	CD1801-C02-412-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0412 Fisioloxía Vexetal
Departamento:	D00c02 Bioloxía Vexetal e Ciencias do Solo
Actividade docente e investigadora:	Produción vexetal Biotecnoloxía vexetal
Centro de traballo:	302 Facultade de Bioloxía

Praza nº 2.

Referencia:	CD1801-C03-420-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0420 Xenética
Departamento:	D00c03 Bioquímica, Xenética e Inmunoloxía
Actividade docente e investigadora:	Xenética I Xenética II Bioinformática
Centro de traballo:	302 Facultade de Bioloxía

Praza nº 3.

Referencia:	CD1801-C04-220-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0220 Ecoloxía
Departamento:	D00c04 Ecoloxía e Bioloxía Animal
Actividade docente e investigadora:	Xestión de espazos naturais e protexidos Competencias persoais e profesionais en ambiente
Centro de traballo:	101 Facultade de Ciencias

Praza nº 4.

Referencia:	CD1801-C04-220-DO-TC-02
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0220 Ecoloxía
Departamento:	D00c04 Ecoloxía e Bioloxía Animal
Actividade docente e investigadora:	Ecoloxía mariña
Centro de traballo:	203 Escola de Enxeñaría Forestal

Praza nº 5.

Referencia:	CD1801-H03-370-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0370 Filoloxías Galega e Portuguesa
Departamento:	D00h03 Filoloxía Galega e Latina
Actividade docente e investigadora:	O perfil correspóndese con materias da área
Centro de traballo:	105 Facultade de Ciencias da Educación

Praza nº 6.

Referencia:	CD1801-T01-305-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0305 Expresión Gráfica na Enxeñería
Departamento:	D00t01 Deseño na Enxeñaría
Actividade docente e investigadora:	O perfil correspóndese con materias da área
Centro de traballo:	312 Escola de Enxeñaría Industrial

Praza nº 7.

Referencia:	CD1801-T04-555-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0555 Enxeñería Química
Departamento:	D00t04 Enxeñaría Química
Actividade docente e investigadora:	Tecnoloxía ambiental Operacións de separación avanzadas
Centro de traballo:	312 Escola de Enxeñaría Industrial

Praza nº 8.

Referencia:	CD1801-T04-555-DO-TC-02
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0555 Enxeñaría Química
Departamento:	D00t04 Enxeñaría Química
Actividade docente e investigadora:	Química aplicada ao medio mariño II Tecnoloxía ambiental
Centro de traballo:	311 Facultade de Química

Praza nº 9.

Referencia:	CD1801-T11-785-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0785 Tecnoloxía Electrónica
Departamento:	D00t11 Tecnoloxía Electrónica
Actividade docente e investigadora:	Hardware de aplicación específica
Centro de traballo:	106 E. S. de Enxeñaría Informática

Praza nº 10.

Referencia:	CD1801-T13-560-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0560 Enxeñaría Telemática
Departamento:	D00t13 Enxeñaría Telemática
Actividade docente e investigadora:	Informática: arquitectura de ordenadores
Centro de traballo:	305 Escola de Enxeñaría de Telecomunicación

Praza nº 11.

Referencia:	CD1801-T13-560-DO-TC-02
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0560 Enxeñaría Telemática
Departamento:	D00t13 Enxeñaría Telemática
Actividade docente e investigadora:	Redes de ordenadores Comunicación de datos
Centro de traballo:	305 Escola de Enxeñaría de Telecomunicación

Praza nº 12.

Referencia:	CD1801-T14-800-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0800 Teoría do Sinal e Comunicacións
Departamento:	D00t14 Teoría do Sinal e Comunicacións
Actividade docente e investigadora:	Infraestruturas ópticas de telecomunicación
Centro de traballo:	305 Escola de Enxeñaría de Telecomunicación

Praza nº 13.

Referencia:	CD1801-T15-570-DO-TC-01
Nº de prazas:	1
Corpo/categoría:	Profesor/a contratado/a doutor/a
Área de coñecemento:	A0570 Linguaxes e Sistemas Informáticos
Departamento:	D00t15 Informática
Actividade docente e investigadora:	Redes de computadoras I
Centro de traballo:	106 E. S. de Enxeñaría Informática

ANEXO II

Comisións de acceso

Praza nº 1: CD1801-C02-412-DO-TC-01.

Área: Fisioloxía Vexetal.

Cargo	Nome	Corpo	Institución
Comisión titular
Presidente	José Luis Acebes Arranz	Catedrático de universidade	Universidade de León
Secretario	Pedro Pablo Gallego Veigas	Profesor titular de universidade	Universidade de Vigo
Vogal 1º	María Nuria Pedrol Bonjoch	Profesora contratada doutora	Universidade de Vigo
Vogal 2º	Juan Carlos Nóvoa Muñoz	Profesor titular de universidade	Universidade de Vigo
Vogal 3º	Mercedes Gallardo Medina	Profesora titular de universidade	Universidade de Vigo
Comisión suplente
Presidenta	Emilia Labrador Encimas	Catedrática de universidade	Universidade de Salamanca
Secretario	Ignacio Zarra Cameselle	Catedrático de universidade	Universidade de Santiago de Compostela
Suplente 1º	Gloria Revilla López	Catedráticoa de universidade	Universidade de Santiago de Compostela
Suplente 2º	María Elena Benito Rueda	Profesora titular de universidade	Universidade de Vigo
Suplente 3º	Ester Pérez Lorences	Catedrática de universidade	Universitat de València (Estudi General)

Praza nº 2: CD1801-C03-420-DO-TC-01.

Área: Xenética.

Cargo	Nome	Corpo	Institución
Comisión titular
Presidenta	María Paloma Morán Martínez	Catedrática de universidade	Universidade de Vigo
Secretario	Juan José Pasantes Ludeña	Profesor titular de universidade	Universidade de Vigo
Vogal 1º	Antonio Carvajal Rodríguez	Profesor titular de universidade	Universidade de Vigo
Vogal 2º	Marta Vila Taboada	Profesora contratada doutora	Universidade da Coruña
Vogal 3º	Ana María Insua Pombo	Profesora contratada doutora	Universidade da Coruña
Comisión suplente
Presidenta	Eva García Vázquez	Catedrática de universidade	Universidade de Oviedo
Secretario	Emilio Rolán Álvarez	Catedrático de universidade	Universidade de Vigo
Suplente 1º	Fernando González Candelas	Catedrático de universidade	Universitat de València (Estudi General)
Suplente 2º	Pablo Presa Martínez	Profesor titular de universidade	Universidade de Vigo
Suplente 3º	Antonio Barbadilla Prados	Profesor titular de universidade	Universitat Autónoma de Barcelona

Praza nº 3: CD1801-C04-220-DO-TC-01.

Área: Ecoloxía.

Cargo	Nome	Corpo	Institución
Comisión titular
Presidente	Sergi Sabater I Cortés	Catedrática de universidade	Instituto Catalán de Investigación del Agua
Secretario	Adolfo Cordero Rivera	Profesor titular de universidade	Universidade de Vigo
Vogal 1º	Fátima Franco Múgica	Profesora contratada doutora	Universidade Autónoma de Madrid
Vogal 2º	Paz Ondina Navarret	Profesora titular de universidade	Universidade de Santiago de Compostela
Vogal 3º	Luís Navarro Echeverría	Profesor titular de universidade	Universidade de Vigo
Comisión suplente
Presidente	Arturo Elósegui Irurtia	Catedrático de universidade	Universidade del País Vasco/Euskal Herriko Unibertsitatea
Secretaria	Emma Fernández Covelo	Profesora titular de universidade	Universidade de Vigo
Suplente 1º	Josefa Garrido González	Profesora titular de universidade	Universidade de Vigo
Suplente 2º	Paloma Alcorlo Pagés	Profesora contratada doutora	Universidade Autónoma de Madrid
Suplente 3º	Francisco Javier Alarcón López	Profesor titular de universidade	Universidade de Almería

Praza nº 4: CD1801-C04-220-DO-TC-02.

Área: Ecoloxía.

Cargo	Nome	Corpo	Institución
Comisión titular
Presidente	Emilio Manuel Fernández Suárez	Catedrático de universidade	Universidade de Vigo
Secretario	Emilio Marañón Sáinz	Profesor titular de universidade	Universidade de Vigo
Vogal 1º	Carlos Manuel García Jiménez	Catedrático de universidade	Universidade de Cádiz
Vogal 2º	Celia Marrasé Peña	Escala de Investigadores Científicos	CSIC
Vogal 3º	Presentación Carrillo Lechuga	Catedrática de universidade	Universidade de Granada
Comisión suplente
Presidente	Fidel Echevarría Navas	Catedrático de universidade	Universidade de Cádiz
Secretaria	Eva María Teira González	Profesora contratada doutora	Universidade de Vigo
Suplente 1º	Ana Bartual Magro	Profesora titular de universidade	Universidade de Cádiz
Suplente 2º	Francisco Gómez Figueiras	Escala de Profesores de Investigación	CSIC
Suplente 3º	Nathalie Korbee Peinado	Profesora titular de universidade	Universidade de Málaga

Praza nº 5: CD1801-H03-370-DO-TC-01.

Área: Filoloxías Galega e Portuguesa.

Cargo	Nome	Corpo	Institución
Comisión titular
Presidente	Xosé Henrique Costas González	Catedrático de universidade	Universidade de Vigo
Secretario	Aquilino Santiago Alonso Núñez	Profesor titular de universidade	Universidade de Vigo
Vogal 1º	Ana Isabel Boullón Agrelo	Profesora titular de universidade	Universidade de Santiago de Compostela
Vogal 2º	María do Carmo Hermida Gulías	Profesora titular de universidade	Universidade de Santiago de Compostela
Vogal 3º	Ana Acuña Trabazo	Profesora contratada doutora	Universidade de Vigo
Comisión suplente
Presidente	Xosé Luis Regueira Fernández	Catedrático de universidade	Universidade de Santiago de Compostela
Secretaria	Elisa Fernández Rey	Profesora contratada doutora	Universidade de Santiago de Compostela
Suplente 1º	María Alvárez de la Granja	Profesora titular de universidade	Universidade de Santiago de Compostela
Suplente 2º	Francisco Dubert García	Profesor titular de universidade	Universidade de Santiago de Compostela
Suplente 3º	Xosé Antonio Fernández Salgado	Profesor titular de universidade	Universidade de Vigo

Praza nº 6: CD1801-T01-305-DO-TC-01.

Área: Expresión Gráfica na Enxeñaría.

Cargo	Nome	Corpo	Institución
Comisión titular
Presidente	José Enrique Ares Gómez	Catedrático de universidade	Universidade de Vigo
Secretario	José Benito Bouza Rodríguez	Profesor titular de universidade	Universidade de Vigo
Vogal 1º	Miguel Ángel Sebastián Pérez	Catedrático de universidade	Universidade Nacional de Educación a Distancia
Vogal 2º	Ana María Camacho López	Profesora titular de universidade	Universidade Nacional de Educación a Distancia
Vogal 3º	Pedro Ignacio Álvarez Peñín	Profesor titular de universidade	Universidade de Oviedo
Comisión suplente
Presidenta	María Rosario Domingo Navas	Catedrática de universidade	Universidade Nacional de Educación a Distancia
Secretaria	Cristina González Gaya	Profesora titular de universidade	Universidade Nacional de Educación a Distancia
Suplente 1º	Agustín Menéndez Díaz	Profesor titular de universidade	Universidade de Oviedo
Suplente 2º	Irene Sentana Gadea	Profesora titular de universidade	Universidade de Alicante
Suplente 3º	José Miguel Sánchez Sola	Profesor titular de universidade	Universidade de Cádiz

Praza nº 7: CD1801-T04-555-DO-TC-01.

Área: Enxeñaría Química.

Cargo	Nome	Corpo	Institución
Comisión titular
Presidente	Juan Carlos Parajó Liñares	Catedrático de universidade	Universidade de Vigo
Secretario	Manuel Jesús Díaz Blanco	Catedrático de universidade	Universidade de Huelva
Vogal 1º	Encarnación Ruiz Ramos	Profesora titular de universidade	Universidade de Jaén
Vogal 2º	José Luís Alonso González	Profesor titular de universidade	Universidade de Vigo
Vogal 3º	Herminia Domínguez González	Catedrática de universidade	Universidade de Vigo
Comisión suplente
Presidente	José María Franco Gómez	Catedrático de universidade	Universidade de Huelva
Secretario	Gil Garrote Velasco	Profesor titular de universidade	Universidade de Vigo
Suplente 1º	Concepción Valencia Barragán	Profesora titular de universidade	Universidade de Huelva
Suplente 2º	Ana Moral Rama	Profesora titular de universidade	Universidade Pablo de Olavide
Suplente 3º	Begoña González de Prado	Profesora contratada doutora	Universidade de Vigo

Praza nº 8: CD1801-T04-555-DO-TC-02.

Área: Enxeñaría Química.

Cargo	Nome	Corpo	Institución
Comisión titular
Presidenta	Teresa Vidal Lluciá	Catedrática de universidade	Universitat Politécnica de Catalunya
Secretaria	María Ángeles Sanromán Braga	Profesora titular de universidade	Universidade de Vigo
Vogal 1º	José Manuel Cruz Freire	Profesor titular de universidade	Universidade de Vigo
Vogal 2º	Claudio Cameselle Fernández	Profesor titular de universidade	Universidade de Vigo
Vogal 3º	María Asunción Longo González	Profesora titular de universidade	Universidade de Vigo
Comisión suplente
Presidente	Ramón Nóvoa Rodríguez	Catedrático de universidade	Universidade de Vigo
Secretario	José Manuel Canosa Saa	Profesor titular de universidade	Universidade de Vigo
Suplente 1º	Ana María Rodríguez Rodríguez	Profesora contratada doutora	Universidade de Vigo
Suplente 2º	Andrés Moure Varela	Profesor contratado doutor	Universidade de Vigo
Suplente 3º	Begoña González de Prado	Profesora contratada doutora	Universidade de Vigo

Praza nº 9: CD1801-T11-785-DO-TC-01.

Área: Tecnoloxía Electrónica.

Cargo	Nome	Corpo	Institución
Comisión titular
Presidente	Perfecto Mariño Espiñeira	Catedrático de universidade	Universidade de Vigo
Secretario	Miguel Ángel Domínguez Gómez	Profesor titular de universidade	Universidade de Vigo
Vogal 1º	Juan José Rodríguez Andina	Profesor titular de universidade	Universidade de Vigo
Vogal 2º	José Fariña Rodríguez	Profesor titular de universidade	Universidade de Vigo
Vogal 3º	Francisco Poza González	Profesor titular de universidade	Universidade de Vigo
Comisión suplente
Presidenta	Marta María Hernando Álvarez	Catedrática de universidade	Universidade de Oviedo
Secretaria	María José Moure Rodríguez	Profesora titular de universidade	Universidade de Vigo
Suplente 1º	María Dolores Valdés Peña	Profesora contratada doutora	Universidade de Vigo
Suplente 2º	María Loreto Rodríguez Pardo	Profesora titular de universidade	Universidade de Vigo
Suplente 3º	Fernando Machado Domínguez	Profesor contratado doutor	Universidade de Vigo

Praza nº 10: CD1801-T13-560-DO-TC-01.

Área: Enxeñaría Telemática.

Cargo	Nome	Corpo	Institución
Comisión titular
Presidente	Luis Eulogio Anido Rifón	Catedrático de universidade	Universidade de Vigo
Secretario	Martín Llamas Nistal	Profesor titular de universidade	Universidade de Vigo
Vogal 1º	Juan Carlos Burguillo Rial	Profesor titular de universidade	Universidade de Vigo
Vogal 2º	Juan Manuel Santos Gago	Profesor contratado doutor	Universidade de Vigo
Vogal 3º	Manuel Caeiro Rodríguez	Profesor contratado doutor	Universidade de Vigo
Comisión suplente
Presidenta	M. Encarnación Pastor Martín	Catedrática de universidade	Universidade Politécnica de Madrid
Secretaria	Cristina López Bravo	Profesora titular de universidade	Universidade de Vigo
Suplente 1º	Yolanda Blanco Fernández	Profesora contratada doutora	Universidade de Vigo
Suplente 2º	Luis Modesto Álvarez Sabucedo	Profesor contratado doutor	Universidade de Vigo
Suplente 3º	Lidia Fuentes Fernández	Catedrática de universidade	Universidade de Málaga

Praza nº 11: CD1801-T13-560-DO-TC-02.

Área: Enxeñaría Telemática.

Cargo	Nome	Corpo	Institución
Comisión titular
Presidente	José Juan Pazos Arias	Catedrático de universidade	Universidade de Vigo
Secretario	Cándido Antonio López García	Profesor titular de universidade	Universidade de Vigo
Vogal 1º	Sergio Herrería Alonso	Profesor titular de universidade	Universidade de Vigo
Vogal 2º	Cristina López Bravo	Profesora titular de universidade	Universidade de Vigo
Vogal 3º	Yolanda Blanco Fernández	Profesora contratada doutora	Universidade de Vigo
Comisión suplente
Presidenta	Lidia Fuentes Fernández	Catedrática de universidade	Universidade de Málaga
Secretaria	Ana Fernández Vilas	Profesora titular de universidade	Universidade de Vigo
Suplente 1º	Andrés Suárez González	Profesor titular de universidade	Universidade de Vigo
Suplente 2º	Raúl Fernando Rodríguez Rubio	Profesor titular de universidade	Universidade de Vigo
Suplente 3º	José Carlos López Ardao	Profesor titular de universidade	Universidade de Vigo

Praza nº 12: CD1801-T14-800-DO-TC-01.

Área: Teoría do Sinal e Comunicacións.

Cargo	Nome	Corpo	Institución
Comisión titular
Presidente	Antonio Pino García	Catedrático de universidade	Universidade de Vigo
Secretario	Francisco Javier Fraile Peláez	Catedrático de universidade	Universidade de Vigo
Vogal 1º	Laura Docio Fernández	Profesora contratada doutora	Universidade de Vigo
Vogal 2º	José Óscar Rubiños López	Catedrático de universidade	Universidade de Vigo
Vogal 3º	Íñigo Cuiñas Gómez	Catedrático de universidade	Universidade de Vigo
Comisión suplente
Presidente	José Capmany Francoy	Catedrático de universidade	Universidade Politécnica deValència
Secretaria	Inés García-Tuñón Blanca	Profesora titular de universidade	Universidade de Vigo
Suplente 1º	Yolanda Campos Roca	Profesora titular de universidade	Universidade de Extremadura
Suplente 2º	María Vera Isasa	Profesora titular de universidade	Universidade de Vigo
Suplente 3º	Fernando Obelleiro Basteiro	Catedrático de universidade	Universidade de Vigo

Praza nº 13: CD1801-T15-570-DO-TC-01.

Área: Linguaxes e Sistemas Informáticos.

Cargo	Nome	Corpo	Institución
Comisión titular
Presidente	Florentino Fernández Riverola	Catedrático de universidade	Universidade de Vigo
Secretaria	Rosalía Laza Fidalgo	Profesora contratada doutora	Universidade de Vigo
Vogal 1º	Eva María Lorenzo Iglesias	Profesora contratada doutora	Universidade de Vigo
Vogal 2º	José Ramón Méndez Reboredo	Profesor contratado doutor	Universidade de Vigo
Vogal 3º	María Reyes Pavón Rial	Profesora titular de universidade	Universidade de Vigo
Comisión suplente
Presidente	Juan Pavón Mestras	Catedrático de universidade	Universidade Complutense de Madrid
Secretaria	Ana María García Fornes	Profesora titular de universidade	Universidade Politécnica deValència
Suplente 1º	Daniel González Peña	Profesor contratado doutor	Universidade de Vigo
Suplente 2º	Miguel Reboiro Jato	Profesor contratado doutor	Universidade de Vigo
Suplente 3º	Jacinto González Dacosta	Profesor contratado doutor	Universidade de Vigo

ANEXO III

Currículum vítae

Datos persoais:

– Apelidos e nome.

– NIF.

– Data, localidade e provincia de nacemento.

– Enderezo, localidade e provincia de residencia.

– Teléfono e enderezo electrónico.

– Categoría actual como docente, centro, departamento e área de docencia actual.

– Data de resolución da habilitación e BOE de publicación.

Datos académicos:

1. Títulos académicos: clase, organismo e centro expedidor, data, cualificación se a houbese.

2. Postos docentes desempeñados: categoría, organismo ou centro, réxime de adicación, data de nomeamento ou contrato, data de cesamento.

3. Actividade docente desempeñada.

4. Actividade investigadora desempeñada.

5. Publicacións de libros e monografías: autoría ou coautoría/s, título, editor, editorial, data (de estar pendente de publicación, xustifíquese a aceptación polo consello editorial).

6. Traballos científicos publicados en revistas españolas ou estranxeiras: autoría ou coautoría/s, título, revista, volume, páxina, data (de estar pendente de publicación, xustifíquese a aceptación polo consello editorial).

7. Outras publicacións.

8. Outros traballos de investigación.

9. Proxectos de investigación subvencionados.

10. Comunicacións e relatorios presentadas a congresos: título, organizador, carácter nacional ou internacional, lugar, data.

11. Patentes.

12. Cursos e seminarios impartidos: centro, organismo, materia, actividade desenvolta, data.

13. Cursos e seminarios recibidos: centro, organismo, materia, data.

14. Bolsas, axudas e premios recibidos (posteriores á licenciatura).

15. Actividade en empresas e profesión libre.

16. Outros méritos docentes ou de investigación.

17. Outros méritos.

18. Cargos de xestión desempeñados: cargo, centro, período.

19. Dilixencia de referendo do currículum vítae.