Por Resolución do 19 de marzo de 2018, da Dirección Xeral de Enerxía e Minas, outórgase autorización administrativa previa e autorización administrativa de construción as instalacións relativas ao proxecto do parque eólico Pastoriza-Rodeiro, no municipio da Pastoriza (Lugo), promovido por Fenosa Wind, S.L., e por Resolución do 31 de outubro de 2018, da Dirección Xeral de Enerxía e Minas, faise público o Acordo do Consello da Xunta de Galicia do 25 de outubro de 2018 pola que se declara a utilidade pública, en concreto, así como a prevalencia sobre diversos aproveitamentos forestais, do parque eólico Pastoriza-Rodeiro (DOG núm. 218, do 15 de novembro).

Esta declaración de utilidade pública, de conformidade co disposto no artigo 56 da Lei 24/2013, do 26 de decembro, do sector eléctrico, leva implícita en todo caso a necesidade de ocupación dos bens ou de adquisición dos dereitos afectados e a urxente ocupación para os efectos do artigo 52 da Lei do 16 de decembro de 1954, de expropiación forzosa.

Por razón do exposto, esta xefatura territorial, en cumprimento do disposto no devandito artigo 52 da Lei de expropiación forzosa, resolveu convocar os titulares de bens e dereitos afectados, con que non se chegou a un acordo e que se relacionan no anexo, para que comparezan o vindeiro 27 de decembro no concello da Pastoriza, como punto de reunión, para levar a cabo o levantamento de actas previas á ocupación.

Todos os interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución e podendo facerse acompañar dos seus peritos e un notario, se o consideran oportuno, con gastos pola súa conta.

Así mesmo, advírtese a todos os interesados afectados que poderán formular alegacións por escrito nesta xefatura territorial (rolda da Muralla, 70, 27071 Lugo) ata o momento do levantamento das actas previas, para os únicos efectos de rectificar posibles erros na relación de bens e dereitos afectados (artigo 56.2 do Regulamento da Lei de expropiación forzosa).

Desta convocatoria darase traslado a cada interesado mediante a oportuna citación individual, na cal se sinalará o día e a hora para o levantamento de actas previas. Esta publicación realízase, igualmente, para os efectos que determina o artigo 44 da Lei 39/2015, do 1 de outubro, do procedemento administrativo común das administracións públicas, cando os titulares dos predios propostos sexan descoñecidos ou se ignore o lugar de notificación.

No expediente expropiatorio Fenosa Wind, S.L. asumirá a condición de beneficiaria.

Lugo, 20 de novembro de 2018

Pilar Fernández López
Xefa territorial de Lugo

ANEXO

Relación de bens e dereitos afectados polo parque eólico Pastoriza-Rodeiro

Parcela		Datos catastrais				Afeccións (m2)
Código	Propietario	Pol.	Par.	Lugar	Cultivo	Pleno dominio		Servidumes de paso		Servidume de voo
						Cim.	Plat.	Vía	Gabia
Concello da Pastoriza
3	Fiscal da Audiencia Provincial (descoñecido)	27	114	Campelos	Mato		1.544	24	74	812
7	Ernesto López Villamel	29	433	Porto Paraxuas	Monte alto		193	37	112
18/1	Hdos. Samarita Prieto Nogueira Rpta.: Jairo Calderón Prieto Tutor: Lexo Calderón López	27	159	Dezas	Prado			79
24	José Antonio Edrosa López	26	2	Monte Alto	Prado			244	163	766
58	MVMC de Loboso Rpta.: Félix González Grandío	28	5002	Mudia	Piñeiral					1.923
69	MVMC de S. Vicente de Reigosa Rpta.: Diógenes Iglesias Cabaneiro	28	199	Mudia	Piñeiral	722	7.646	2.051	1.907	19.841
71	Fiscal da Audiencia Provincial (descoñecido)	28	329	Mudia	Mato			1.086	216
88	MVMC de S. Vicente de Reigosa Rpta.: Diógenes Iglesias Cabaneiro	28	5011	Mudia	Mato	717	4.243	7.688	2.133	15.209
101	Javier Teijeiro Álvarez e irmáns	400	100	Fregonzo	Monte alto		747		109	1.476
102	Fiscal da Audiencia Provincial (descoñecido)	400	99	Fregosel	Monte alto	274	576		164	3.049
103	Gonzalo Edrosa Portela	400	98	Fregonzo	Eucaliptos					832