De conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e con base aos criterios reitores aprobados na Mesa Sectorial de Sanidade, pola Administración sanitaria e as organizacións sindicais con representación nas institucións sanitarias do Servizo Galego de Saúde do 29 de decembro de 2009, modificados polo Acordo do 31 de xaneiro de 2014, así como no acordo de bases aprobado en comisión de centro o 27 de maio do 2016; e en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013 do 4 de xullo (DOG núm. 140 , do 24 de xullo), e na Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde,

RESOLVE:

Primeiro. Anunciar a convocatoria do procedemento de mobilidade interna voluntaria do persoal fixo das categorías de xestión e servizos, persoal sanitario diplomado e sanitario de formación profesional do Hospital Comarcal de Valdeorras.

Segundo. As solicitudes para participar nesta convocatoria deberán presentarse no Rexistro Xeral da Xerencia de Xestión Integrada de Ourense, Verín e O Barco de Valdeorras, sito na avenida Conde Fenosa, nº 50, O Barco de Valdeorras (HCV), dirixidas ao Xerente de Xestión Integrada, no prazo de 20 días hábiles contados desde o seguinte á data da publicación do anuncio da presente convocatoria no Diario Oficial de Galicia.

Así mesmo, poderán presentarse a través de calquera dos procedementos previstos no artigo 16 da Lei 39/2015, do 1 de outubro, do procedemento administrativo común das administracións públicas.

Terceiro. As bases íntegras da citada convocatoria estarán expostas nos taboleiros de anuncios do Hospital Comarcal de Valdeorras e na intranet da Xerencia de Xestión Integrada de Ourense, Verín e O Barco de Valdeorras.

Ourense, 23 de outubro de 2018

Julio García Comesaña
Xerente de Xestión Integrada de Ourense, Verín e O Barco de Valdeorras