O 25 de outubro de 2018 propúxose a resolución do expediente sancionador número 2018255AL-PO, incoado a Valeriano Domínguez Soto, co DNI 36077522K, propietario do establecemento Komo en Kasa de Lola, co número de Rexistro Galego Sanitario de Empresas e Establecementos Alimentarios (Regasa) 9802.2167/PO.

Tras intentar a notificación desta proposta de resolución consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido practicarse, polo que mediante esta cédula notifícaselle a Valeriano Domínguez Soto o contido da dita proposta, que figura no anexo, segundo o disposto no artigo 44 da dita lei, para o seu coñecemento.

Esta cédula expídese para que conste e lle sirva de notificación ao interesado, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do BOE.

Pontevedra, 19 de novembro de 2018

Ángeles Feijoo-Montenegro Fernández
Xefa territorial de Pontevedra

ANEXO

Número de expediente: 2018255AL-PO.

Denunciado: Valeriano Domínguez Soto.

DNI: 36077522K.

Enderezo: avenida de Ricardo Mella, 107, 36313 Vigo.

Feitos imputados: primeiro incumprimento, realizar a actividade de restauración comercial nun establecemento que incumpre os requisitos xerais e específicos dos locais onde se preparan, tratan ou transforman produtos alimenticios destinados ao consumo humano, o que pode supoñer un risco para a saúde dos seus clientes. Segundo incumprimento, dispoñer de produtos almacenados sen identificar e/ou coa data de caducidade superada.

Preceptos presuntamente infrinxidos:

Artigos 3, 4.2 e 5, e o capítulo I puntos 1, 2, 4 e 5 ; capítulo II puntos 1.a), b), c), d), e f); capítulo V punto 1; capítulo VI puntos 1 e 2 e capítulo IX puntos 2 e 3 do anexo II Regulamento (CE) 852/2004, do 29 de abril, relativo á hixiene dos produtos alimenticios.

Artigos 14.1, 17.1 e 18 do Regulamento (CE) 178/2002, do 28 de xaneiro, polo que se establecen os principios e os requirimentos xerais da lexislación alimentaria, se crea a Autoridade Europea de Seguridade Alimentaria e se fixan procedementos relativos á seguridade alimentaria.

Tipificación: dúas infraccións administrativas tipificadas como graves no artigo 51 punto 2 da Lei 17/2011, do 5 de xullo, de seguridade alimentaria e nutrición, que considera infraccións graves «O incumprimento dos requisitos en materia de seguridade alimentaria, cando iso represente un risco para a saúde pública e sempre que non poida considerarse unha infracción moi grave» (parágrafo 18).

Sanción proposta: dez mil dous euros (10.002,00 €).