Para os efectos previstos na Lei 10/1995, do 23 de novembro, de ordenación do territorio de Galicia; no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal; na Lei de expropiación forzosa do 16 de decembro de 1952, e no seu Regulamento aprobado polo Decreto do 26 de abril de 1957, sométense a información pública as solicitudes de aprobación definitiva do seguinte proxecto sectorial e de declaración da utilidade pública das obras e instalacións proxectadas:
Promotor: Aluminios Cortizo, S.A.U.
Denominación: proxecto sectorial Aluminios Cortizo para ampliación e mellora das súas instalacións sitas en Extramundi (Padrón).
Obxecto: ampliar o ámbito do actual polígono industrial de Aluminios Cortizo, situado en Extramundi, creando unha zona de solo urbanisticamente apto para poder ser destinado ao asentamento da ampliación e mellora das súas instalacións industriais.
Características técnicas:
As obras e instalacións proxectadas afectan a produción de aluminio, de perfís de PVC e de perfís de aceiro, e consisten basicamente en:
– Planta de obtención de perfilería de aluminio cunha nova prensa de extrusión de 4.500 toneladas e nova edificación para a súa instalación.
– Planta de fabricación de perfís de PVC, integrada por 40 máquinas e equipamentos, e varias novas edificacións para a súa instalación.
– Planta de foliado de PVC e nova edificación para a súa instalación.
– Planta de fabricación de perfís de aceiro e nova edificación para a instalación da maquinaria para transformar a chapa de aceiro en perfil de aceiro.
A ampliación e mellora das instalacións de Aluminio Cortizo situadas en Extramundi farase sobre terreos dos municipios de Rois e Padrón, que lindan coa zona norte do actual polígono industrial de Aluminios Cortizo. A superficie incorporada polo proxecto sectorial será de 128.360 m² (49,32 % no municipio de Rois e 50,68 % no de Padrón), o que supón un incremento do 75 % da superficie actual do polígono (170.617 m²).
Concellos afectados: Padrón e Rois (A Coruña).
O devandito proxecto sectorial foi sometido aos procedementos de declaración de incidencia supramunicipal e de avaliación ambiental estratéxica simplificada:
• O Consello da Xunta de Galicia, mediante o Acordo do 19 de novembro de 2017, declarou a súa incidencia supramunicipal.
• A órgano ambiental (Dirección Xeral de Calidade Ambiental e Cambio Climático) formulou, mediante a Resolución do 19 de xullo de 2018, o seu informe ambiental estratéxico.
O obxecto da información pública será o proxecto sectorial Aluminios Cortizo para ampliación e mellora das súas instalacións sitas en Extramundi (Padrón).
A respecto da relación de bens e dereitos afectados (RBDA) que se consideran de necesaria expropiación, incluída no proxecto sectorial, hai que indicar o seguinte:
• A aprobación definitiva do citado proxecto sectorial levará implícita a declaración de utilidade pública das obras e instalacións proxectadas, así como a necesidade da ocupación dos bens e dereitos necesarios para a súa execución, para os efectos de expropiación forzosa ou de imposición de servidume, conforme o disposto na disposición adicional primeira da Lei 10/1995, do 23 de novembro, e no artigo 11.5 do Decreto 80/2000, do 23 de marzo.
• A devandita relación de bens e dereitos afectados (RBDA) figura como anexo a esta resolución, de conformidade co disposto no artigo 18 da Lei de expropiación forzosa e no artigo 17 do seu regulamento.
O órgano competente para aprobar o proxecto sectorial de incidencia supramunicipal, así como declarar a utilidade pública das obras e instalacións proxectadas e a necesidade da ocupación dos bens e dereitos necesarios para a súa execución, será o Consello da Xunta de Galicia, de acordo co disposto no artigo 13.4 do Decreto 80/2000.
O que se fai público para coñecemento xeral e para que todas aquelas persoas, naturais ou xurídicas, que se consideren prexudicadas nos seus dereitos, poidan presentar as súas alegacións, no prazo dun mes a partir do día seguinte á última das dúas publicacións que se farán desta resolución (no Diario Oficial de Galicia e nun dos xornais de maior circulación na Comunidade Autónoma) ou a partir da correspondente notificación individual no caso de persoas que figuren na RBDA. O devandito proxecto sectorial poderase examinar na Dirección Xeral de Enerxía e Minas (Edificio Administrativo San Caetano, bloque 5, 4º andar, 15781 Santiago de Compostela), na Xefatura Territorial da Coruña da Consellería de Economía, Emprego e Industria (rúa Vicente Ferrer, 2, 15071 A Coruña) ou nos concellos afectados (Padrón e Rois).
Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, cando as persoas propietarias ou titulares de dereitos sobre predios afectados sexan descoñecidas, se ignore o lugar de notificación ou ben, intentada esta, non se puidese practicar, a notificación farase por medio dun anuncio publicado no Boletín Oficial del Estado.
Santiago de Compostela, 12 de novembro de 2018
Ángel Bernardo Tahoces
Director xeral de Enerxía e Minas
ANEXO
Relación de bens e dereitos afectados polas obras e instalacións do proxecto sectorial de Aluminios Cortizo para ampliación e mellora das súas instalacións sitas en Extramundi (Padrón)
|
Predios |
Afección |
|||||||
|
Nº predio |
Referencia catastral |
Localización |
Concellos |
Uso |
Superficie (m²) |
Propietario |
Superficie que se vai expropiar |
|
|
% |
m² |
|||||||
|
1 |
7039107NH2374S0001PB |
Lg. Agronovo |
Padrón e Rois |
Agrario |
3.124 |
Herdeiros de Francisco Agrasar Fernández |
100 % |
3.124,00 |
|
2 |
7039106NH2374S0001QB |
Lg. Agronovo |
Padrón e Rois |
Agrario |
847 |
Carlos Andrade Mosquera |
100 % |
847,00 |
|
3 |
6837102NH2363N0001HF |
Lg. A Serra |
Padrón |
Agrario |
1.877 |
Dolores González Gómez |
100 % |
1.877,00 |
|
4 |
7039159NH2374S0001ZB |
Lg. Agronovo |
Padrón e Rois |
Solo sen edificar |
73.308 |
Comunidade Veciñal de Montes en Man Común de Extramundi |
30,884 % |
22.640,14 |
