De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de ser intentada sen éxito a notificación persoal a través do servizo de Correos emprázanse as persoas interesadas que se sinalan no anexo para seren notificadas por comparecencia da percepción indebida de axudas da renda básica de emancipación: notificación da liquidación provisional-trámite de audiencia relativo ao control de ingresos do exercicio económico 2014.

A comparecencia para coñecer o contido íntegro da dita resolución deberá efectuarse no prazo de dez (10) días hábiles contados desde o seguinte ao da publicación deste anuncio, nas oficinas de tramitación da renda básica de emancipación das diferentes oficinas de Xestión do Solo de Galicia- Xestur, S.A. que correspondan segundo se relaciona no anexo, das 9.00 ás 14.00 horas, de luns a venres.

A eficacia deste anuncio quedará supeditada á súa publicación no taboleiro de edictos único do Boletín Oficial del Estado.

Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

O anuncio remitirase, así mesmo, aos concellos correspondentes ao último enderezo coñecido de cada persoa interesada, en aplicación do artigo 44 da Lei 39/2015, do 1 de outubro, co obxecto de que procedan á súa publicación por medio dun anuncio no seu taboleiro de edictos.

Santiago de Compostela, 13 de novembro de 2018

Heriberto García Porto
Director xeral do Instituto Galego da Vivenda e Solo

ANEXO

Expediente	Persoas interesadas	DNI/NIE	Dependencias comparecencia
RBE-38408-11 RBE0270010102611811D	Miriam Bermúdez García	...357M	Lugo
RBE-40766-14 RBE0360010102846014T	Claudia Paola Silverio Pippo	...693C	Vigo

A Coruña: rolda de Nelle, 12 bis, 1º, 15005 A Coruña. Teléfono: 981 29 48 72.

Santiago de Compostela: Área Central, local 25-Z, 1º andar, polígono das Fontiñas, 15707 Santiago de Compostela. Teléfono: 981 54 19 33.

Lugo: avenida Ramón Ferreiro, 28, 27002 Lugo. Teléfono: 982 88 92 60.

Ourense: rúa Valente do Casar, nº 2 baixo, 32003 Ourense. Teléfono: 988 78 86 83.

*Pontevedra: rúa Alcalde Hevia, nº 7 baixo, 36071 Pontevedra. Teléfono: 986 80 56 06. Horario de atención ao público: martes e venres, das 9.00 ás 14.00 horas.

Vigo: praza Maruja Mallo, 1-1º, 36206 Vigo (Pontevedra). Teléfono: 986 49 45 62.