De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (LPAC), as notificacións que non se poidan efectuar faranse por medio de anuncio no Boletín Oficial del Estado (BOE) e a súa eficacia quedará condicionada á súa publicación no taboleiro de edictos único (TEU) do BOE. Así mesmo, este anuncio publícase no Diario Oficial de Galicia (DOG).

Ao seren descoñecidos os propietarios dos predios que se sinalan no anexo, notifícase mediante o presente anuncio a resolución pola que se declara a utilidade pública da instalación eléctrica (expediente IN407A 2016/5-4) que afecta os ditos predios.

En atención ao previsto no artigo 40.5 da LPAC, o acto non se publica na súa integridade, polo que se lles fai saber ás persoas interesadas que o texto íntegro da resolución pola que se declara a utilidade pública da instalación eléctrica (expediente IN407A 2016/5-4) está á súa disposición, para a súa consulta, durante un prazo dez (10) días hábiles, que se contarán desde o día seguinte ao da publicación deste anuncio no Boletín Oficial del Estado, nas dependencias da Xefatura Territorial da Consellería de Economía, Emprego e Industria en Pontevedra, na avenida María Victoria Moreno, nº 43, 5º andar (Servizo de Enerxía e Minas), das 9.00 ás 14.00 horas, de luns a venres. Transcorrido o dito prazo sen que se efectúe a comparecencia, a notificación entenderase producida.

Pontevedra, 9 de novembro de 2018

Ignacio Rial Santomé
Xefe territorial de Pontevedra

ANEXO

Nº predio	Lugar	Concello	Referencia catastral
2	Ameixoada	Moaña	36029A057003960000IZ
17	Ameixoada	Moaña	36029A057003960000IZ
19	Ameixoada	Moaña	36029A057003960000IZ
29	Ameixoada	Moaña	36029A057003960000IZ
31	Ameixoada	Moaña	36029A057003960000IZ
33	Ameixoada	Moaña	36029A057003960000IZ