A instalación denominada LMTS nova saída de subestación de Cangas, no concello de Moaña, foi declarada de utilidade pública mediante Resolución do 22 de outubro de 2018, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa Unión Fenosa Distribución, S.A.

Segundo o disposto no artigo 52 da Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 4 de decembro de 2018, a partir das 10.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello de Moaña.

Os interesados recibirán unha notificación individual coa debida antelación legal, na cal se lles comunicará a data e a hora en que deberán presentarse nos seus predios, e infórmanse de que poderán ir acompañados por un perito ou un notario, pola súa conta, se así o consideran conveniente.

Esta publicación servirá de comunicación para os titulares daqueles predios que figuran como descoñecidos ou se ignora o lugar de notificación, de acordo co establecido no artigo 45.1.a) da Lei 39/2015, do 1 de outubro, do procedemento administrativo común das administracións públicas.

Pontevedra, 12 de novembro de 2018

Ignacio Rial Santomé
Xefe territorial de Pontevedra

ANEXO
LMTS nova saída de subestación de Cangas (Moaña)

Nº	Lugar	Cultivo	Nome e apelidos	Nº apoio	m2 chan	ml aéreo	m2 aéreo	m2 subsolo	Concello
2	Ameixoada	Improdutivo	Descoñecido	-	-	-	-	6	Moaña
17	Ameixoada	Improdutivo	Descoñecido	-	-	-	-	90	Moaña
19	Ameixoada	Improdutivo	Descoñecido	-	-	-	-	200	Moaña
20	Ameixoada	Improdutivo	Descoñecido	-	-	-	-	15	Moaña
25	Ameixoada	Improdutivo	Descoñecido	-	-	-	-	19	Moaña
29	Ameixoada	Improdutivo	Descoñecido	-	-	-	-	54	Moaña
33	Ameixoada	Improdutivo	Descoñecido	-	-	-	-	32	Moaña