A Alcaldía Presidencia do Concello de San Xoán de Río (Ourense), mediante Resolución nº 73, do 8 de novembro de 2018 aprobou as bases reguladoras e a convocatoria das probas de selección para a provisión dun posto de operario/a de servizos do Concello de San Xoán de Río, en réxime de contratación laboral fixo/a e mediante oposición libre.

Ábrese o prazo de presentación de solicitudes que será de 20 días hábiles contado desde o día seguinte ao da publicación deste anuncio no BOP e no DOG, último anuncio (de calquera maneira o prazo contarase a partir do día seguinte ao da publicación do anuncio no DOG).

As bases están ao dispor dos aspirantes na páxina web do Concello de San Xoán de Río: (www.sanxoanderio.es).

Os sucesivos anuncios, cando procedan, de conformidade co disposto nas bases, publicaranse no Boletín Oficial da provincia de Ourense e na sede electrónica e no taboleiro de edictos do concello.

Contra as bases, cuxa aprobación pon fin á vía administrativa, pódese interpor, alternativamente, ou recurso de reposición potestativo, no prazo dun mes contado desde o día seguinte ao da publicación do presente anuncio, ante a Alcaldía deste Concello de San Xoán de Río, de conformidade cos artigos 123 e 124 da Lei 39/2015, do 1 de outubro, do procedemento-administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense, ou, á súa elección, o que corresponda ao seu domicilio, se este radica en Galicia, no prazo de dous meses contado desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se optase por interpor o recurso de reposición potestativo, non se poderá interpor recurso contencioso-administrativo ata que sexa resolto expresamente ou de producirse desestimación por silencio. Todo iso sen prexuízo de que se poida exercer calquera outro recurso que considere oportuno.

A presentación de recursos non producirá a suspensión do procedemento. Este só se producirá, se así o resolve a Alcaldía mediante resolución motivada ou resolución xudicial firme.

San Xoán de Río, 8 de novembro de 2018

Luís Castro Álvarez
Alcalde