De conformidade co disposto no artigo 92 da Lei 2/2015, do 29 de abril, do emprego público de Galicia, e no artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e en uso das atribucións conferidas polo artigo 17.2.c) da citada lei, esta consellería

DISPÓN:

Primeiro. Anunciar a convocatoria para cubrir, polo sistema de libre designación, dos postos de traballo que se indican no anexo I desta orde.

Segundo. Poderán concorrer a ela os/as funcionarios/as que reúnan as condicións que para os postos de traballo se sinalan no anexo I.

Terceiro. As solicitudes para participar na presente convocatoria presentaranse no Rexistro Xeral da Xunta de Galicia (Edificio Administrativo San Caetano, Santiago de Compostela), nas súas xefaturas territoriais ou ben utilizando os medios establecidos no artigo 16.4 da Lei 39/2015, do 1 de outubro, do procedemento administrativo común das administracións públicas, no prazo de quince (15) días, contados a partir do día seguinte ao da publicación desta orde no Diario Oficial de Galicia, segundo o modelo que se inclúe como anexo II.

Cuarto. Os/as aspirantes deberán xuntarlle á petición un curriculum vitae e xustificar mediante certificación ou copia compulsada os méritos que aleguen.

Quinto. No caso de que resulte seleccionado para ocupar os postos de traballo que se relacionan no anexo I desta orde, persoal funcionario con destino noutra Administración, requirirase o informe favorable do departamento onde preste servizos, que se considerará favorable de non emitirse no prazo de quince días, segundo o disposto no artigo 67 do Real decreto 364/1995, do 10 de marzo, e as demais disposicións concordantes. Unha vez autorizado o seu traslado a esta Administración procederase a adxudicarlle o posto para o que foi seleccionado/a. Se no prazo de dous (2) meses, a partir da publicación no Diario Oficial de Galicia, o/a funcionario/a seleccionado/a non se pode incorporar á Comunidad Autónoma, considerarase deserto o posto e poderase proceder de novo a súa provisión.

Sexto. A resolución desta convocatoria farase pública no Diario Oficial de Galicia e poderanse declarar desertos os posto de traballo, de considerarse oportuno.

Sétimo. O prazo para tomar posesión do novo destino obtido será de tres días hábiles se non implica cambio de residencia ou de sete días hábiles se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será de vinte días hábiles.

O prazo de toma de posesión empezará a contar a partir do día seguinte ao do cesamento, que se deberá producir dentro dos tres días hábiles seguintes ao da publicación da resolución no Diario Oficial de Galicia, ou desde a data en que se comunique a resolución do traslado á Comunidade Autónoma, para o caso de persoal funcionario doutras administracións públicas, co límite dos dous (2) meses a que se fai referencia no punto quinto desta orde. Se a resolución comporta o reingreso ao servizo activo, o prazo de toma de posesión deberase computar desde o día seguinte ao da publicación da resolución no Diario Oficial de Galicia.

Oitavo. Contra esta orde, que pon fin á vía administrativa, as persoas interesadas poderán interpoñer recurso potestativo de reposición perante a conselleira de Medio Ambiente, Territorio e Vivenda no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 5 de novembro de 2018

Ángeles Vázquez Mejuto
Conselleira de Medio Ambiente, Territorio e Vivenda

ANEXO I

Denominación	Código	Nº	Comple. específ.	Grupo	Corpo/ escala	Adsc. adm.	Form. específ.	Centro directivo	Localidade
Secretario/a do/da conselleiro/a	MA.C01.00.000.15770.003	20	7.357,77	C1 C2	Xeral	A11	641	Gabinete conselleiro/a	Santiago de Compostela
Secretario/a do/da secretario/a xeral	MA.C02.00.000.15770.004	18	6.684,09	C1 C2	Xeral	A11	641	Secretaría Xeral Técnica	Santiago de Compostela
Vicesecretario/a xeral	MA.C02.00.001.15770.001	30	21.800,80	A1	Xeral	AXG		Secretaría Xeral Técnica	Santiago de Compostela
Subdirector/a xeral de Réxime Xurídico, Coordinación Administrativa e Planificación	MA.C02.00.002.15770.001	30	21.800,80	A1	Xeral	AXG		Secretaría Xeral Técnica	Santiago de Compostela
Subdirector/a xeral Contratación e do Patrimonio	MA.C02.00.004.15770.001	30	21.800,80	A1	Xeral	AXG		Secretaría Xeral Técnica	Santiago de Compostela
Secretario/a do/da director/a xeral	MA.C04.00.000.15770.003	18	6.684,09	C1 C2	Xeral	A11	641	Dirección Xeral de Patrimonio Natural	Santiago de Compostela
Subdirector/a xeral de Espazos Naturais	MA.C04.00.001.15770.002	30	21.800,80	A1	Xeral/ especial	A11	640	Dirección Xeral de Patrimonio Natural	Santiago de Compostela

Descrición códigos de adscrición ás administracións públicas:

AXG. Adscrición exclusiva a persoal funcionario da Xunta de Galicia.

A11. Adscrición indistinta a persoal funcionario da Xunta de Galicia, Estado e CC.AA.

Descrición códigos das formacións específicas:

640. Para persoal doutra Administración, curso de perfeccionamento de galego (R.I).

641. Para persoal doutra Administración, curso de iniciación de galego (R.I.).