Advertidos erros na Resolución do 25 de setembro de 2018, publicada no Diario Oficial de Galicia número 191, do 5 de outubro de 2018, cómpre efectuar as seguintes correccións:
Na páxina 45042, onde di: «A actuación enmárcase dentro do programa operativo no eixe prioritario 6», debe dicir: «A actuación enmárcase dentro do programa operativo no obxectivo temático 6» e, ao final deste parágrafo, que trata sobre cofinanciamento europeo, debe engadirse: «Actuación 6.2.1.2 (segundo o documento Criterios e procedementos de selección de operacións (CPSO): reforma e optimización dos sistemas de saneamento das rías galegas, operación (mellora do saneamento e depuración do sistema dos Praceres, na ría de Pontevedra). Unha maneira de facer Europa».
Na páxina 45043, onde di: «Someter a información pública o anteproxecto do novo emisario submarino da EDAR dos Praceres, na ría de Pontevedra, de clave OH.336.1129, polo prazo de vinte (20) días hábiles», debe dicir: «Someter a información pública o anteproxecto do novo emisario submarino da EDAR dos Praceres, na ría de Pontevedra, de clave OH.336.1129, polo prazo de trinta (30) días hábiles».
En consecuencia, amplíase o prazo para a consulta do documento técnico e presentación de alegacións en dez (10) días hábiles, contados a partir do día seguinte ao da publicación desta resolución no Diario Oficial de Galicia.
Santiago de Compostela, 2 de novembro de 2018
Teresa María Gutiérrez López
Directora de Augas de Galicia