De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas interesadas que a seguir se relacionan as resolucións ditadas pola xefa territorial nos expedientes administrativos instruídos conforme o disposto na Lei 2/2006, do 14 de xuño, de dereito civil de Galicia, e demais normativa de aplicación, despois dos intentos de notificación realizados sen que fose posible efectuar as ditas notificacións por causas non imputables á Administración ou por descoñecer o domicilio dos interesados.
Os expedientes están á disposición das persoas interesadas, ou dos seus representantes debidamente acreditados, no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social; rolda da Muralla, 70, planta baixa, onde, no prazo de dez (10) días contados desde o día seguinte ao da data de publicación deste anuncio no Boletín Oficial del Estado, poderán comparecer para coñeceren o contido íntegro das resolucións, de luns a venres laborables, das 9.00 ás 14.00 horas, advertíndolles que, de non o faceren, se terán por notificadas.
As persoas interesadas ou os seus representantes, debidamente acreditados, poderán interpor recurso contra as resolucións ditadas nos expedientes, ante o Xulgado de Primeira Instancia de Lugo que por quenda lles corresponda, no prazo de dous (2) meses contados desde o día seguinte ao da data da súa notificación, de conformidade co artigo 780.1 da Lei 1/2000, do 7 de xaneiro, de axuizamento civil.
Lugo, 15 de outubro de 2018
María Cristina Abades Martínez
Xefa territorial de Lugo
ANEXO
Interesado/a |
Núm. expte. |
Efectos xurídicos |
DNI |
Data da resolución |
José Manuel Cardoso dos Santos |
2015/18/27 |
Cesamento de medida e arquivamento |
Descoñecido |
14.2.2018 |
Tamara Torres Otero |
2015/112/27 |
Cesamento de medida e arquivamento |
*****702E |
5.7.2017, corrección de erros 14.3.2018 |
Tamara Torres Otero |
2015/113/27 |
Cesamento de medida e arquivamento |
*****702E |
5.7.2017, corrección de erros 14.3.2018 |