De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle a Calizas Rubiá, S.L., con último enderezo coñecido na rúa Ourense, 1-1º, oficina G, 32300 O Barco de Valdeorras (Ourense), como titular, a ampliación de prazo para presentar as alegacións que xulgue oportunas no inicio do expediente de caducidade para o permiso de investigación Navallo nº 5255 , pola causa prevista no artigo 30 da Lei 3/2008, do 23 de maio, de ordenación da minaría de Galicia, e na Lei de minas do 21 de xullo de 1973, e no Regulamento xeral para o réxime da minaría do 25 de agosto de 1978.

O interesado dispón dun prazo de sete (7) días, contado desde o día seguinte ao desta publicación, de conformidade co artigo 32.1 da Lei 39/2015, do 1 de outubro, do procedemento administrativo común das administracións públicas (BOE nº 236, do 2 de outubro).

No suposto de non efectuar alegacións no prazo indicado, o acordo de incoación do expediente de caducidade proseguirá a súa tramitación.

Ourense, 16 de outubro de 2018

Santiago Álvarez González
Xefe territorial de Ourense