Unha vez emitido informe favorable sobre a proposta de deslindamento cos predios pertencentes a Ruth María Remírez de Esparza Lindner, José María Remírez de Esparza Lindner, Felipe Javier Pérez-Somarriba Remírez de Esparza, Fernando Remírez de Esparza Elías de Molíns, presentada pola Comunidade de Montes Veciñais en Man Común de Gillán, concello de Vilagarcía de Arousa, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar para a exposición do plano e demais documentación do monte, nas oficinas de Arias Forestales, S.L., Ponte Bora, 24, 36154 Pontevedra, teléfono 886 20 79 18, en horario de mañá, de luns a venres, das 9.20 ás 13.00 horas.

Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros que desexen comparecer presenten alegacións e os títulos que acrediten a propiedade.

O que se fai público para xeral coñecemento.

Pontevedra, 22 de outubro de 2018

Antonio Crespo Iglesias
Xefe territorial de Pontevedra