Advertido erro na citada resolución, publicada no Diario Oficial de Galicia número 199, do xoves 18 de outubro de 2018, cómpre efectuar a seguinte corrección:

Na páxina 46252, onde di:

«Contra esta resolución, que esgota a vía administrativa, poderá a persoa interesada interpoñer recurso potestativo de reposición ante o director da Axencia Galega da Calidade Agroalimentaria no prazo dun mes contado a partir do día seguinte ao da publicación desta resolución no Diario Oficial de Galicia, ao abeiro dos artigos 123 e 124 da Lei 39/2015, do 2 de outubro, do procedemento administrativo común das administracións públicas, ou ben directamente recurso contencioso-administrativo ante o órgano xurisdicional competente no prazo de dous meses desde a mesma data, de acordo co previsto na Lei 29/1998, do 13 de xullo, reguladora da xurisdición contencioso-administrativa».

Debe dicir:

«Contra esta resolución, que non pon fin á vía administrativa, poderá a persoa interesada interpoñer recurso de alzada perante o presidente da Axencia Galega da Calidade Alimentaria no prazo dun mes contado a partir do día seguinte ao da publicación desta resolución no Diario Oficial de Galicia, ao abeiro dos artigos 121 e 122 da Lei 39/2015, do 2 de outubro, do procedemento administrativo común das administracións públicas».