O Pleno do Concello de Carballedo, en sesión celebrada con data do 27 de setembro de 2018, á vista dos antececedentes que constan no expediente de referencia e conforme o disposto nos artigos 79, 80 e 82 a 90, da Lei 2/2016, do 10 de febreiro, do solo de Galicia, logo da desestimación das alegacións presentadas, adoptou, entre outros, o seguinte

ACORDO:

1º. Aprobar definitivamente o estudo de detalle sobre reaxuste de aliñacións no núcleo de Castro do concello de Carballedo, redactado polo arquitecto Ramón Fernández Losada, con data de xaneiro de 2018.

2º. Publicar o acordo de aprobación definitiva, no prazo dun mes desde a súa adopción, no Diario Oficial de Galicia, e o texto dos documentos que integran o estudo de detalle, así como o índice de planos deste no Boletín Oficial da provincia.

3º. Comunicar á consellería competente en materia de urbanismo o acordo de aprobación definitiva, dándolle traslado dun exemplar en soporte dixital, debidamente diligenciado, para a súa inscrición no Rexistro de Plan urbanístico de Galicia, no prazo dun mes desde a data da aprobación municipal.

4º. Facer constar no anuncio de aprobación definitiva a remisión da documentación á consellería, xa que a inscrición no rexistro de plan será condición para a publicación e eficacia do acto de aprobación definitiva.

Carballedo, 11 de outubro de 2018

Julio M. Yebra-Pimentel Blanco
Alcalde