A Xunta de Goberno local, en sesión extraordinaria do 28 de setembro de 2018, resolveu unha alegación presentada e acordou aprobar definitivamente o expediente expropiatorio polo procedemento de taxación conxunta para os efectos da obtención dos terreos afectados polo sistema xeral de paseo marítimo en Caión e recollidos na modificación puntual nº 2 do Plan xeral de ordenación municipal (PXOM) necesarios para a execución da 3ª fase do sistema xeral de paseo marítimo de Caión, segundo o proxecto expropiatorio redactado para o efecto.
A acordo de aprobación definitiva implicará, de conformidade co artigo 118 da Lei 2/2016, do 10 de febreiro, do solo de Galicia, a declaración de urxencia da ocupación dos bens e dereitos afectados.
O contido do acordo notificarase de xeito individualizado a todos os que aparezan como titulares de bens ou dereitos que figuran no expediente, conferíndolles un prazo de vinte días durante os cales poderán manifestar por escrito a súa desconformidade coa valoración establecida no expediente aprobado.
A Laracha, 1 de outubro de 2018
José Manuel López Varela
Alcalde