De conformidade coa Lei 21/2013, do 9 de decembro, de avaliación ambiental, artigo 47, número 3, faise público o informe de impacto ambiental do 24 de agosto de 2018 relativo ao aumento do caudal vertido autorizado de augas residuais industriais dunha planta de produción de taboleiros de fibra de densidade media (MDF) no concello de San Sadurniño, promovido por Industrias del Tablero, S.A. (Intasa).
Este informe pódese consultar na ligazón http://www.cmaot.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental e Cambio Climático, sitas en Santiago de Compostela (San Lázaro, s/n, planta baixa).
Santiago de Compostela, 29 de agosto de 2018
María Cruz Ferreira Costa
Directora xeral de Calidade Ambiental e Cambio Climático