A Xefatura Territorial da Consellería de Economía, Emprego e Industria da Coruña fai saber que Manuel Abraldes Fernández, na condición de explotador do dereito mineiro Monte de Santa Mariña, nº 65, do cal é titular Manuel Castelao Ramos, e en cumprimento do artigo 5 do Real decreto 975/2009, do 12 de xuño, sobre xestión de residuos das industrias extractivas e de protección e rehabilitación dos espazos afectados polas actividades mineiras, presentou ante desta xefatura territorial o proxecto de explotación, o plan de restauración e o estudo de impacto ambiental da citada explotación.

Todas as persoas ou entidades que se consideren afectadas poderán examinar o expediente na Xefatura Territorial da Consellería de Economía, Emprego e Industria, sita na rúa Vicente Ferrer, 2, 2º andar, 15071 A Coruña, e na seguinte ligazón:

http://ceei.xunta.gal/recursos/iniciativas?content=iniciativa_00030.html

Infórmase de que poden presentar as alegacións que consideren necesarias no prazo dos trinta (30) días seguintes ao da publicación.

A Coruña, 22 de agosto de 2018

Isidoro Martínez Arca
Xefe territorial da Coruña