Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a Sección Segunda da Sala do Contencioso-Administrativo do Tribunal Superior de Xustiza de Galicia, con data do 27 de xuño de 2013, pronunciou a Sentenza 535/2013, ditada no procedemento ordinario nº 4022/2012, interposto por Gabriel Piñeiro Costa, sentenza que na súa parte dispositiva literalmente di:
«Estimamos en parte o recurso contencioso-administrativo interposto por Gabriel Piñeiro Costa, contra a Orde do 13.7.2011, da Consellería de Medio Ambiente, Territorio e Infraestruturas, pola que se deu aprobación definitiva parcial ao Plan xeral de ordenación municipal de Moaña, e anulámola no que se refire á asignación da Ordenanza 2 ás parcelas do demandante sitas no lugar de Moureira-Meira, identificadas no feito segundo da demanda; e declaramos que deben aplicárselles as determinacións que resultan da aceptación polo Pleno do Concello o 21.5.2007 da alegación nº 312. No demais, desestimamos o recurso. Non se fai imposicións das custas do recurso».
Santiago de Compostela, 11 de setembro de 2018
María Encarnación Rivas Díaz
Directora xeral de Ordenación do Territorio e Urbanismo