O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería da Xunta de Galicia a obriga de publicar no Diario Oficial de Galicia unha relación dos convenios subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Dar publicidade á relación dos convenios subscritos pola Consellería do Mar, nos meses de maio, xuño, xullo e agosto de 2018, que se incorpora no anexo a esta resolución.
Santiago de Compostela, 18 de setembro de 2018
María Isabel Concheiro Rodríguez-Segade
Secretaria xeral técnica da Consellería do Mar
ANEXO
Convenios de colaboración subscritos pola Consellería do Mar
nos meses de maio, xuño, xullo e agosto do ano 2018
Descrición |
Importe |
Data |
Convenio de colaboración entre Consellería do Mar e a Universidade de Santiago de Compostela para o uso da marca de garantía da USC «pescaenverde» xunto coa marca de garantía da Consellería do Mar «pescadeRías ¿de onde se non?» no ano 2018 |
25.160 € |
3.5.2018 |
Convenio de colaboración entre a Consellería do Mar da Xunta de Galicia e a Cooperativa de Armadores de Pesca de Vigo (ARVI), para a organización da V Conferencia internacional ARVI sobre el futuro de la pesca e o Festival ARVI do peixe 2018. |
140.881,40 € |
13.6.2018 |
Convenio de colaboración entre Consellería do Mar e a Federación Provincial de Confrarías de Pescadores de Lugo, co fin de financiar os investimentos que leve ao cabo a institución para acadar a mellora da competitividade. |
20.000 € |
26.6.2018 |
Convenio de colaboración entre a Consellería do Mar e a Federación Galega pola Cultura Marítima e Fluvial, mediante o que se canaliza unha subvención de concesión directa para a realización de actividades das embarcacións tradicionais durante o ano 2018 |
26.576 € |
3.7.2018 |
Convenio de colaboración entre a Consellería do Mar e a Asociación Empresarial Galega de Carpintería de Ribeira, mediante o que se canaliza unha subvención de concesión directa para a realización de actividades de dinamización e fomento da carpintería de Ribeira durante o ano 2018. |
28.000 € |
17.7.2018 |
Convenio de colaboración entre Consellería do Mar e a Federación Provincial de Confrarías de Pescadores de Pontevedra co obxecto de establecer as condicións para o financiamento dos investimentos que leve ao cabo a institución para acadar a mellora da competitividade. |
15.000 € |
20.7.2018 |
Convenio de colaboración entre Consellería do Mar e a Federación Provincial de Confrarías de Pescadores da Coruña co obxecto de establecer as condicións para o financiamento dos investimentos que leve ao cabo a institución para acadar a mellora da competitividade. |
15.000 € |
20.7.2018 |
Convenio de colaboración entre a Consellería do Mar e a Federación Galega de Confrarías de Pescadores co fin de financiar os investimentos que leve ao cabo a institución para acadar a mellora da competitividade |
27.000 € |
26.7.2018 |
Acordo de colaboración entre a Vicepresidencia e Consellería da Presidencia, Administracións Públicas e Xustiza e a Consellería do Mar para reforzar o persoal de Gardacostas na loita contra o furtivismo na Comunidade Autónoma de Galicia. |
60.000 € |
30.7.2018 |
Convenio de colaboración entre Consellería do Mar e a Federación Galega de Redeiras Artesás O Peirao para establecer as condicións de colaboración co fin de financiar os investimentos realizados pola institución para levar a cabo unha campaña de difusión a través de redes sociais para informar e concienciar da importancia da actividade redeira como parte fundamental das actividades do mar. |
3.000 € |
31.7.2018 |