O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a este obriga,
DISPOÑO:
Artigo único. Darlle publicidade ao convenio subscrito entre a Consellería de Medio Ambiente e Ordenación do Territorio, a Axencia de Protección da Legalidade Urbanística e o Colexio Oficial de Arquitectos de Galicia no marco do Proxecto Terra no primeiro cuadrimestre do ano 2018, que se incorpora como anexo a esta resolución.
Santiago de Compostela, 3 de setembro de 2018
José Antonio Cerdeira Pérez
Director da Axencia de Protección da Legalidade Urbanística
ANEXO
Convenio |
Obxecto do convenio |
Achega económica da APLU |
Achega económica CMAOT |
Data da sinatura |
Convenio de colaboración entre a Consellería de Medio Ambiente e Ordenación do Territorio, a Axencia de Protección da Legalidade Urbanística e o Colexio Oficial de Arquitectos de Galicia no marco do Proxecto Terra |
Dar continuidade ao traballo desenvolvido na educación secundaria e na educación primaria e infantil, así como na formación á cidadanía reforzando e consolidando a presenza do Proxecto Terra e abrindo novas liñas de actuación que permitan optimizar os recursos dispoñibles cara á mellor consecución dos obxectivos que se pretenden, realizando actividades de sensibilización, concienciación, formación e divulgación sobre os espazos e lugares que habitamos, a paisaxe, sinaladamente mediante asistencia científica e técnica e intercambio de experiencias con fins de formación e información, coa finalidade de formar, difundir e ampliar os coñecementos da cidadanía en xeral, e dos técnicos e entidades competentes en temas relacionados coa ordenación, planificación e intervencións das actividades humanas sobre o territorio e a súa repercusión na conformación das paisaxes do presente e do futuro. |
180.000,00 € |
120.000,00 € |
2.4.2018 |