Mediante a Resolución do 21 de marzo de 2018 (DOG núm. 66, do 5 de abril), se aprobáronse as bases reguladoras para a concesión, en réxime de concorrencia non competitiva, de subvencións para promover o autoemprego e a actividade emprendedora na Comunidade Autónoma galega das persoas galegas retornadas e dos seus descendentes, e procedeuse á súa convocatoria para o ano 2018.
De conformidade co establecido no artigo 8 da dita resolución, o prazo para a presentación de solicitudes remata o día 28 de setembro de 2018.
Pola súa parte, no artigo 17 establécese que o prazo de xustificación da actividade subvencionada finaliza o día 31 de outubro de 2018 incluído.
Próximo a rematar o prazo de presentación de solicitudes, e á vista das solicitudes presentadas, esta secretaría xeral considera conveniente ampliar o prazo de presentación de solicitudes e, consecuentemente, o prazo de xustificación das subvencións solicitadas conforme o novo prazo.
En consecuencia, de conformidade co disposto no artigo 32 da Lei 39/2015, do 1 de outubro, do procedemento administrativo común das administracións públicas,
RESOLVO:
Artigo 1. Ampliación do prazo de presentación de solicitudes
Ampliar ata o 31 de outubro de 2018, incluído, o prazo de presentación de solicitudes previsto no artigo 8 da Resolución do 21 de marzo de 2018 pola que se aproban as bases reguladoras para a concesión, en réxime de concorrencia non competitiva, de subvencións para promover o autoemprego e a actividade emprendedora na Comunidade Autónoma galega das persoas galegas retornadas e dos seus descendentes, e se procede á súa convocatoria para o ano 2018.
Artigo 2. Ampliación do prazo de xustificación
Ampliar ata o 30 de novembro de 2018, incluído, o prazo de xustificación previsto no artigo 17 da dita resolución.
Disposición derradeira
Esta resolución entrará en vigor o día da súa publicación no Diario Oficial de Galicia.
Santiago de Compostela, 17 de setembro de 2018
Antonio Rodríguez Miranda
Secretario xeral da Emigración