O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), impón a cada consellería ou entidade da Xunta de Galicia a obriga de remitir, para a súa publicación no Diario Oficial de Galicia, unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Darlle publicidade á relación dos convenios subscritos polo Instituto de Estudos do Territorio no segundo cuadrimestre do ano 2018, que se incorpora como anexo a esta resolución.
Santiago de Compostela, 7 de setembro de 2018
Inés Santé Riveira
Directora do Instituto de Estudos do Territorio
ANEXO
|
Convenio |
Obxecto do convenio |
Achega económica do IET |
Data de sinatura |
|
Protocolo de colaboración entre o organismo autónomo Instituto de Estudos do Territorio e a Fundación Rede de Innovación Arousa (RIA) para o desenvolvemento de actividades relacionadas coa investigación e divulgación en materia de territorio e paisaxe. |
Definir o marco xeral de actuación entre o organismo autónomo Instituto de Estudos do Territorio e a Fundación Rede de Innovación Arousa (RIA) para o desenvolvemento de actividades relacionadas coa investigación e divulgación en materia de territorio e paisaxe , co obxectivo de acadar e compartir experiencias, ideas e información que redunden en beneficio do medio natural da ría de Arousa e a comarca do Barbanza e os territorios que compoñen as rías atlánticas de Galicia. |
Sen achega económica |
20.6.2018 |
|
Addenda ao convenio de colaboración entre o Instituto de Estudos do Territorio da Consellería de Medio Ambiente e Ordenación do Territorio, a Federación Galega de Municipios e Provincias, os concellos de Cambre, Carballo, Oleiros, Lugo e Sanxenxo para a obtención de imaxes aéreas de alta resolución xeorreferenciadas, pola que se adhire o Concello de Pontevedra |
A adhesión do concello de Pontevedra ao convenio de colaboración entre o Instituto de Estudos do Territorio da Consellería de Medio Ambiente e Ordenación do Territorio, a Federación Galega de Municipios e Provincias, os concellos de Cambre, Carballo, Oleiros, Lugo e Sanxenxo para a obtención de imaxes aéreas de alta resolución xeorreferenciadas, de conformidade co previsto na súa cláusula sexta. |
16,42 € |
10.7.2018 |
