A xefa do Servizo de Inspección Urbanística II da Axencia de Protección da Legalidade Urbanística, con data do 3 de agosto de 2018, deu traslado do impreso de pagamento de multas e sancións a Marta Díaz Lorenzo.
O día 30 de novembro de 2017, o director da Axencia de Protección da Legalidade Urbanística, acordou impoñer unha cuarta multa coercitiva a Marta Díaz Lorenzo como consecuencia de incumprir o ordenado nas resolucións do 28 de setembro de 2001, do 12 de decembro de 2012, do 21 de abril de 2016, do 11 de outubro de 2016 e do 13 de febreiro de 2017.
O Xulgado do Contencioso-Administrativo número 1 de Pontevedra decidiu, mediante auto número 64/2018, do 22 de maio, denegar a medida cautelar solicitada por Marta Díaz Lorenzo relativa á suspensión da Resolución do 30 de novembro de 2017 do director da Axencia de Protección da Legalidade Urbanística. Este auto foi declarado firme o 1 de xuño de 2018.
Ao non poderse realizar a notificación persoal do período voluntario do pagamento da dita multa a Marta Díaz Lorenzo, mediante esta cédula e, ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícase á interesada a devandita resolución mediante un anuncio publicado no Boletín Oficial del Estado.
Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, comunícase á interesada que o texto íntegro se encontra ao seu dispor nas dependencias da Axencia de Protección da Legalidade Urbanística, situada no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o dito prazo, a notificación entenderase producida.
Para que conste e sirva de notificación á citada interesada, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.
Santiago de Compostela, 23 de agosto de 2018
O director da Axencia de Protección da Legalidade Urbanística
P.S. (Artigo 3 do Decreto 51/2008, do 6 de marzo)
José María Domínguez Blanco
Subdirector da Axencia de Protección da Legalidade Urbanística