De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, a comparecencia no trámite de información pública non outorga, por si mesma, a condición de interesado. Non obstante, quen presente alegacións ou observacións neste trámite ten dereito a obter da Administración unha resposta razoada. Dada a indispoñibilidade dos datos de contacto da persoa que presentou alegacións no trámite de información pública do expediente ACA 2/2017, notifícase á dita persoa, por medio do presente anuncio publicado no Boletín Oficial del Estado (BOE), o acto administrativo sinalado no anexo.
Este anuncio publicarase no Diario Oficial de Galicia, aínda que a eficacia do acto notificado quedará supeditada á súa publicación no BOE.
Para coñecer o contido íntegro da resposta ás súas alegacións, a persoa interesada dispón dun prazo de dez (10) días, contado a partir do seguinte ao da publicación deste anuncio, tal e como establece o artigo 46 da Lei 39/2015, do 1 de outubro. A comparecencia realizarase na Dirección Xeral de Comercio e Consumo, das 9.00 ás 14.00 horas, de luns a venres.
Santiago de Compostela, 3 de agosto de 2018
Sol María Vázquez Abeal
Directora xeral de Comercio e Consumo
ANEXO
Expediente: ACA 2/2017.
Persoa interesada: Iván Urtaza Coto.
Acto de notificación: resposta ás alegacións presentadas no trámite de información pública do expediente ACA 2/2017.