Visto o expediente para outorgamento da autorización administrativa previa e de construción para a instalación eléctrica que a seguir se describe:
Solicitante: Barras Eléctricas Galaico-Asturianas, S.A.
Domicilio social: PE As Gándaras, r/ Aller Ulloa, Ramón María, 9, 27003 Lugo.
Denominación: LBT para NS 51109 Castro de Abaixo, O Castro (Duancos Sta. María).
Situación: concello de Castro de Rei.
Características técnicas:
• Substitución do transformador existente no CT intemperie Castro 5690 (con autorización de posta en marcha con data do 5 de decembro de 1997) de 50 kVA por outro de 100 kVA e relación de transformación de 20.000/400-230 V.
• Modificación da liña de baixa tensión Castro de Abaixo (con autorización de posta en marcha con data do 5 de decembro de 1997), con orixe no CT Castro 5690 proxectado, substituíndo 5 apoios, 300 m de condutor RZ 50 por RZ 95 e 627 m de condutor RZ 25 por RZ 50.
• Extensión da liña de baixa tensión Castro de Abaixo, cunha lonxitude de 510 m en condutor RZ 50 con orixe no apoio 13 desta liña (segundo proxecto) e final na CXP do novo solicitante.
Cumpridos os trámites ordenados na Lei 24/2013, do 26 de decembro, (BOE núm. 310) do sector eléctrico e no título VII, capítulo II do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 337/2014, do 9 de maio, polo que se aproba o regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias, e na Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), esta xefatura territorial, de acordo coas competencias que resultan dos decretos 135/2017, do 28 de decembro, polo que se crea e establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:
Conceder a autorización administrativa previa e de construción ás ditas instalacións cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independientemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución poderase interpor recurso de alzada ante o conselleiro de Economía, Empleo e Industria no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que considere pertinente ao seu dereito.
Lugo, 6 de agosto de 2018
Pilar Fernández López
Xefa territorial de Lugo