Expediente EE 1067/2018.
O pleno da Corporación, na sesión ordinaria do 30.7.2018, acordou o seguinte:
«1. Aprobar inicialmente o Plan especial de infraestruturas da vía do sistema xeral SX-IN-07, A Rúa, parroquia de Mos.
2. Someter a información pública este acordo, durante dous meses, mediante publicacións de anuncio no DOG e nun xornal dos de maior difusión da provincia.
3. Notificar, así mesmo, este acordo a todas as persoas titulares catastrais dos terreos afectados.
4. Solicitar os informes sectoriais e consultas que resulten procedentes das administracións públicas competentes».
O prazo de exposición pública do expediente iniciarase o día seguinte ao da publicación deste anuncio no Diario Oficial de Galicia.
Durante o devandito prazo o expediente poderá ser examinado por calquera interesado nas dependencias municipais, para que se formulen as alegacións que se consideren pertinentes.
Mos, 1 de agosto de 2018
Nidia Mª Arévalo Gómez
Alcaldesa