O 23 de maio de 2018, a xefa territorial da Consellería de Sanidade ditou a resolución do expediente sancionador 2017100AM-OU incoado a Explotacións Cinexético Turísticas do Río Limia, S.L., CIF B32287526, como responsable do establecemento Aldea Rural Couso Galán, sita na estrada de Freande, s/n, Couso (Sarreaus-Ourense).
Intentada a notificación da resolución segundo o disposto no artigo 42.2 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e non sendo posible a súa práctica, por medio desta cédula, e segundo o disposto no artigo 44 da dita Lei, notifícaselle a Explotacións Cinexético Turísticas do Río Limia, S.L., CIF B32287526, como responsable do establecemento Aldea Rural Couso Galán, sita na estrada de Freande, s/n, Couso (Sarreaus-Ourense), o contido da referida resolución que figura como anexo para que poida ter coñecemento del.
Así mesmo, fáiselle saber o dereito que a asiste para interpoñer recurso de alzada, ante o conselleiro de Sanidade, no prazo dun mes contado desde o día seguinte ao da publicación desta cédula, segundo establecen os artigos 121 e 122 da Lei 39/2015, do 1 de outubro, lembrándolle o seu dereito a consultar o expediente, depositado nas dependencias desta xefatura territorial, sita na avenida de Zamora, nº 13, de Ourense, e a obter, no seu caso, copia del, segundo o previsto na letra a) do artigo 53.1 da citada Lei 39/2015, do 1 de outubro.
Tamén as administracións públicas lexitimadas para impugnar o acto poderán interpoñer recurso contencioso-administrativo no prazo de dous meses contado desde a data da publicación, é poderán realizar un requirimento previo de anulación ou revogación do acto no prazo de dous meses. Todo isto de conformidade co disposto no artigo 44 da Lei 29/1998, do 13 de xullo, reguladora da xurisdición contencioso administrativa.
No caso de estar de acordo co contido desta resolución o aboamento voluntario da sanción poderase facer no seguinte prazo: 1) as notificadas entre os días 1 e 15 de cada mes, desde a data da notificación ata o día 20 do mes posterior ou, se este non for hábil, ata o inmediato día hábil seguinte; 2) as notificadas entre os días 16 e último de cada mes, desde a data da notificación ata o día 5 do segundo mes posterior ou, se este non for hábil, ata o inmediato día hábil seguinte, mediante o ingreso que poderá efectuar en calquera oficina bancaria colaboradora empregando os impresos normalizados que lle facilitarán nas dependencias da xefatura territorial.
Esta cédula expídese para que conste e lle sirva de notificación ao interesado en cumprimento co disposto no artigo 44 da Lei 39/2015, do 1 de outubro; a eficacia desta notificación queda supeditada á súa publicación no taboleiro de edictos único (TEU) do BOE.
Ourense, 26 de xullo de 2018
A xefa territorial de Ourense
P.S. (Decreto 33/2014, do 6 de marzo)
Francisco José Rodríguez Saavedra
Xefe do Servizo de Xestión de Ourense
ANEXO
Nº de expediente: 2017100AM-OU.
Interesada: Explotacións Cinexético Turísticas do Río Limia, S.L., responsable do establecemento Aldea Rural Couso Galán.
DNI/NIF/CIF: B32287526.
Último enderezo coñecido: estrada de Freande, s/n, Couso (Sarreaus-Ourense).
Feito imputado: infracción da lexislación aplicable en materia sanitaria: Real decreto 865/2003.
Sanción proposta: mil seiscentos euros (1.600 €).