Procedemento ordinario (PO) 453/2017

Sobre: ordinario

Demandante: Pedro Javier Sanmartín Iglesias

Avogado: Ramón Quintela Miramontes

Demandados: Iniciativas Audiovisuales, S.L. e Fogasa

Avogado: letrado de Fogasa

Eu, Susana Varela Amboage, letrada da Administración de Xustiza do Xulgado do Social número 3 de Santiago de Compostela, fago saber que mediante a resolución ditada no día da data no proceso seguido por instancia de Pedro Javier Sanmartín Iglesias, rexistrado co número 453/2017, se acordou citar a Iniciativas Audiovisuales, S.L. en paradoiro descoñecido, para que compareza na sala de vistas deste Xulgado do Social número 3, situado na rúa Berlín, s/n, polígono das Fontiñas, 15707 Santiago de Compostela, o día 15 de outubro de 2018, ás 11.10 horas ao acto de conciliación e ás 11.15 horas para a realización do acto de xuízo, quen poderá comparecer persoalmente ou mediante persoa legalmente apoderada, e deberá acudir con todos os medios de proba de que intente valerse. Advírteselle que é unha única convocatoria e que os ditos actos non se suspenderán pola falta inxustificada de asistencia.

Fáiselle saber que ten ao seu dispor, na oficina xudicial, as resolucións ditadas e demais documentos que figuran no procedemento.

Así mesmo, advírteselle a destinataria que as seguintes comunicacións se farán mediante a fixación dunha copia da resolución ou da cédula no taboleiro de anuncios da oficina xudicial, agás no suposto da comunicación das resolucións que deban revestir a forma de auto ou sentenza, ou cando se trate dun emprazamento.

No caso de que pretenda comparecer ao acto da comparecencia asistido de avogado ou representado tecnicamente por graduado social colexiado, ou representado por procurador, deberá pór esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, unha vez trasladada tal intención ao demandante, este poida estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto do xuízo de avogado, procurador ou graduado social colexiado.

E para que lle sirva de citación a Iniciativas Audiovisuales, S.L., así como para a súa publicación no Diario Oficial de Galicia e colocación no taboleiro de anuncios, expido o presente edicto.

Santiago de Compostela, 28 de xuño de 2018

A letrada da Administración de xustiza