Unha vez que adquiriu firmeza a sanción imposta á empresa que se relaciona, pola comisión dunha infracción moi grave en materia de prevención de riscos laborais, procédese a dar publicidade, de conformidade co disposto na Orde da Consellería de Traballo do 30 de xullo de 2008, sobre publicación das sancións nesa materia e cos datos establecidos no artigo 3 da citada orde.

Nome ou razón social da empresa: Porto Valla Publicidad Exterior, S.L.

Sector da actividade e CNAE: axencias de publicidade (7311).

CIF: B36799658.

Domicilio social: rúa Ceboleira, 54, 36214 Vigo.

Infracción cometida: artigo 13.10 do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto. Incumprir as disposicións mínimas de seguridade e saúde no desenvolvemento da actividade, xerando un risco grave e inminente para a seguridade e saúde dos traballadores.

Precepto legal infrinxido: artigos 14 da Lei 31/1995, do 8 de novembro, de prevención de riscos laborais e artigo 2 do Real decreto 614/2001, do 8 de xuño, polo que se establecen as disposicións mínimas de seguridade e saúde dos traballadores fronte ao risco eléctrico.

Importe da sanción económica imposta: 40.986,00 euros.

Data de extensión da acta: 24.9.2015.

Data de firmeza da sanción: 4.6.2018.

Conforme o disposto no artigo 2.4 da Orde da Consellería de Traballo do 30 de xullo de 2008, semestralmente publicarase a relación de empresas sancionadas na páxina web da citada consellería. Ademais, procederase á inscrición no Rexistro Público de Empresas Sancionadas por comisión de infraccións moi graves en materia de prevención de riscos laborais dos datos publicados neste anuncio, de acordo co previsto no artigo 4 da orde. Estes datos cancelaranse de oficio aos cinco anos contados desde o día seguinte ao da súa publicación.

Santiago de Compostela, 11 de xullo de 2018

Covadonga Toca Carús
Secretaria xeral de Emprego