En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de organizacións sindicais e empresariais desta secretaría xeral se acordou depositar o acordo de modificación dos estatutos da Federación Empresarial de Aserradores y Rematantes de Maderas de Galicia (Fearmaga).

– Ámbito territorial: Comunidade Autónoma de Galicia.

– Ámbito profesional: poderán ser socias da federación todas as asociacións cuxo ámbito territorial sexa inferior ao da Comunidade Autónoma de Galicia, que representen os empresarios dedicados á actividade industrial de transformación da madeira e á compravenda de aproveitamentos forestais e de madeira en rolo.

Asinantes: José Elier Ojea Ureña e José Manuel Cajaraville Varela.

Santiago de Compostela, 9 de xullo de 2018

Covadonga Toca Carús
Secretaria xeral de Emprego