Visto o expediente instruído para os efectos de transmisión da batea Rianxo I e da concesión administrativa que a ampara, resulta:

a) Antecedentes.

Primeiro. Mediante escrito do 5 de xullo de 2018, Manuel Sanlés García solicita autorización para transmisión mortis causa mediante pacto de mellora da concesión administrativa e da batea Rianxo I a favor do seu fillo Víctor Manuel Sanlés Tubío.

Segundo. O solicitante presentou toda a documentación requirida para a tramitación deste tipo de procedementos.

b) Consideracións legais e técnicas.

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (Diario Oficial de Galicia número 243, do 16 de decembro), modificada pola Lei 6/2009, do 11 de decembro (Diario Oficial de Galicia número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. A Lei 2/2006, do 14 xuño, de dereito civil de Galicia (Diario Oficial de Galicia número 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.

Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (Diario Oficial de Galicia número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (Diario Oficial de Galicia número 126, do 2 de xullo).

Vistas as disposicións citadas, esta consellería resolve:

Autorizar a transmisión mortis causa mediante pacto de mellora, a favor de Víctor Manuel Sanlés Tubío (76969805Y), da concesión administrativa e da batea que se indica a seguir:

Identificación:

Tipo: batea.

Nome: Rianxo I.

Localización: cuadrícula nº: 177.

Polígono: E.

Distrito: Caramiñal (A Coruña).

Especies autorizadas: mexillón (Mytilus galloprovincialis).

Título administrativo habilitante: concesión de actividade.

Orde outorgamento: 20.5.1964.

Remate vixencia: 15.12.2019.

Actual titular: Manuel Sanlés García (32580313P) 100 % privativo.

Novo titular: Víctor Manuel Sanlés Tubío (76969805Y) 100 % privativo.

O novo titular da concesión administrativa queda subrogado nos dereitos e obrigas do anterior.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Mar, ou recurso contencioso-administrativo, ante a xurisdicción contencioso-administrativa, que se interporá no prazo de dous meses, contados en ambos os dous casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común nas administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 6 de xullo de 2018

A conselleira do Mar
P.D. (Orde do 8.9.2017)
Por delegación de sinatura (Resolución do 11.10.2017)
María José Cancelo Baquero
Xefa do Servizo de Recursos Mariños da Coruña