Visto o expediente instruído para os efectos de transmisión da batea Lezama e da concesión administrativa que a ampara, resulta:
a) Antecedentes:
Primeiro. Mediante Mandamento do 5 de maio de 2015, do Xulgado do Mercantil número 2 de Pontevedra, decretouse a adxudicación da concesión administrativa e da batea Lezama a favor de Bateamar, S.L. (B36159119).
Segundo. En acto de comparecencia do 22 de decembro de 2017, no Xulgado do Mercantil número 2 de Pontevedra, púxose de manifesto o recoñecemento da cotitularidade da concesión administrativa e da batea Lezama por parte de Bateamar, S.L. (B36159119) e de Ramón Santiago Rial (35424868S), ao constatarse que este último en ningún momento perdeu a súa condición de cotitular que xa posuía con carácter previo á adxudicación xudicial da devandita concesión administrativa e batea.
Terceiro. Mediante escrito do 2 de xullo de 2018, Manuel Abal Camiña (35285004Z), en nome e representación de Bateamar, S.L. (B36159119), solicitou autorización para a transmisión da concesión administrativa e da batea Lezama.
Cuarto. O informe do Servizo de Protección de Recursos sobre as características da batea é favorable.
b) Consideracións legais e técnicas:
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas dirección xerais e xefaturas territoriais e na Presidencia do Consello de Administración do ente público Portos de Galicia.
Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión inter vivos, a favor de Bateamar, S.L. (B36159119) e Ramón Santiago Rial (35424868S), da concesión que se indica a seguir:
Identificación:
Tipo: batea.
Nome: Lezama.
Situación:
Cuadrícula nº: 52.
Polígono: C.
Distrito: Cambados (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 31.10.1972.
Remate da vixencia: 15.12.2019.
Actual titular: Bateamar, S.L. (B36159119).
Novos titulares: Bateamar, S.L. (B36159119) e Ramón Santiago Rial (35424868S).
Os novos titulares da concesión subróganse nos dereitos e obrigas da anterior.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 12 de xullo de 2018
A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo