A Deputación de Lugo no Pleno que tivo lugar o día 27 de novembro de 2007 adoptou o acordo polo que aproba a proposta de reforma das bases que rexen a aceptación e asunción, por delegación expresa, de competencias en materia de xestión, inspección e recadación en relación a tributos, prezos públicos e outros ingresos de dereito público, e que foi modificado polos acordos do 28 de outubro de 2008 e do 29 de decembro de 2015.
No Boletín Oficial da Provincia de Lugo nº 41, do 19 de febreiro de 2008, publícanse as citadas Bases, así como o alcance e contido da delegación efectuada, entre outros polo Concello de Quiroga sendo tamén publicadas no Diario Oficial de Galicia nº 46, do 5 de marzo de 2008.
No Boletín Oficial da provincial nº 286, do 13 de decembro de 2008 publícase a reforma das citadas bases e a última reforma publícase no BOP nº 31, do 8 de febreiro de 2016.
O Concello de Quiroga amplía a delegación de competencias, a cal foi aprobada polo acordo adoptado polo Pleno da Corporación Municipal en sesión plenaria extraordinaria, que tivo lugar o día 1 de marzo de 2018, que é aceptada pola Deputación Provincial (Decreto nº 1163, do 25 de maio de 2018), segundo o tenor literal seguinte:
«1º. Aceptar a delegación do Concello de Quiroga, a partir da publicación no BOP e no DOG, que literalmente di:
“Primeiro. Aprobar a delegación de competencias á Deputación Provincial da xestión en período voluntario do imposto sobre o incremento de valor dos terreos de natureza urbana –plusvalía– conforme as bases aprobadas pola Deputación Provincial de Lugo”.
2º. Acordar a publicación da presente delegación no Boletín Oficial da provincia e no Diario Oficial de Galicia».
Lugo, 2 de xullo de 2018
|
O presidente da Deputación |
Cristóbal Víctor Fraga Bermejo |
