Para os efectos previstos na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, na Lei 10/1995, do 23 de novembro, de ordenación do territorio de Galicia, no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, e na Lei 5/2017, do 19 de outubro, de fomento da implantación de iniciativas empresariais en Galicia, sométese a información pública a solicitude relacionada coa instalación eléctrica que se describe a seguir:
Solicitude: autorizacións administrativas previa e de construción, e declaración de utilidade pública, en concreto, e aprobación do proxecto sectorial.
Solicitante: Norvento Eólica, S.L.U.
Denominación: LMT 30 kV evacuación PE Cadeira.
Orzamento de execución por contrata con IVE: 1.808.473,45 euros.
Finalidade: evacuación da enerxía eléctrica producida no parque eólico Cadeira.
Concellos afectados: Riotorto, Lourenzá, Mondoñedo e A Pastoriza (Lugo).
Características técnicas da infraestrutura eléctrica:
a) Centro de interconexión que aloxa no seu interior 3 celas de interruptor automático, unha cela de medida e unha cela de servizos auxiliares, todas illadas en SF6, ademais de equipamento de baixa tensión, de comunicacións e de control. Este centro de interconexion tamén aloxará o tramo de condutor dúplex que unirá a cela de protección xeral co apoio 1-PAS, con condutor RHZ1 18/30 kV 400 mm2 Al + H 25 mm2.
b) Tramo aéreo composto por unha liña en dobre circuíto con orixe no apoio 1-PAS adxacente ao centro de interconexión do P.E. Cadeira e final no apoio 18-PAS, de 4.432 metros de lonxitude, con condutor LA-280 símplex por cada circuíto e apoios metálicos de celosía.
c) Tramo subterráneo composto por unha liña dúplex con orixe no apoio 18-PAS e final na subestación do PE Carracedo, cunha lonxitude de 4.906 metros con condutor RHZ1 18/30 kV 400 mm2 Al + H 25 mm2.
O tramo subterráneo discorrerá polas canalizacións do PE A Pastoriza e PE Carracedo, propiedade de Norvento.
d) Ampliación celas na subestación Carracedo: ampliarase o número de celas da subestación para permitir a conexión do PE Cadeira, e incluirase unha nova cela de posición de liña e unha cela de remonte con medida para a conexión ao embarrado existente.
Órgano competente: o órgano competente para autorizar o proxecto da referida instalación eléctrica é a Dirección Xeral de Enerxía e Minas.
Procedemento de avaliación ambiental: o proxecto da referida instalación eléctrica está suxeito á avaliación de impacto ambiental simplificada, segundo o establecido no artigo 7.2.a) da Lei 21/2013, do 9 de decembro, de avaliación ambiental.
Proxecto de interese especial: o 21.12.2017 o Consello da Xunta declarou de interese especial o proxecto desta instalación eléctrica, o que ten como efectos a tramitación de forma prioritaria e con carácter de urxencia e a redución á metade dos prazos necesarios na instrución do procedemento.
O obxecto da información pública será o proxecto de execución das instalacións, o proxecto sectorial e o documento de declaración de utilidade pública (relación de bens e dereitos afectados e planos parcelarios).
A declaración de utilidade pública, segundo o artigo 56 da Lei 24/2013, do 26 de decembro, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei de expropiación forzosa.
A relación de bens e dereitos afectados (RBDA) que se consideran de necesaria expropiación figura no anexo que se xunta a esta resolución.
O que se fai público para coñecemento xeral e para que todas aquelas persoas, naturais ou xurídicas, que se consideren prexudicadas nos seus dereitos, poidan presentar as súas alegacións, no prazo de 15 días a partir do día seguinte ao da última publicación desta resolución ou a partir da correspondente notificación individual aos afectados, e examinar toda a documentación na Dirección Xeral de Enerxía e Minas (Edificio Administrativo San Caetano, bloque 5, 4º andar, 15781 Santiago de Compostela), na Xefatura Territorial de Lugo da Consellería de Economía, Emprego e Industria (rolda da Muralla, 70, 27071 Lugo) ou nos concellos de Riotorto (Praza das Rodrigas 1, 27744 Riotorto), Lourenzá (praza do Conde Santo, s/n, 27760 Vilanova de Lourenzá), Mondoñedo (Praza do Concello nº 1, 27740 Mondoñedo) e A Pastoriza (praza Galicia nº1, 27287 A Pastoriza).
Para dar cumprimento ao disposto no artigo 44 da Lei 39/2015, do 1 de outubro, cando as persoas propietarias ou titulares de dereitos sobre predios afectados sexan descoñecidas, se ignore o lugar de notificación ou ben, intentada esta, non se puidese practicar, a notificación farase por medio dun anuncio publicado no Boletín Oficial del Estado.
Santiago de Compostela, 6 de xuño de 2018
Ángel Bernardo Tahoces
Director xeral de Enerxía e Minas
