Antecedentes.
Con data do 15 de febreiro de 2017 a Consellería de Infraestruturas e Vivenda, a Consellería de Cultura, Educación e Ordenación Universitaria, a Axencia Turismo de Galicia, a Axencia Galega de Infraestruturas e o Concello de Santiago de Compostela asinaron un protocolo de colaboración para a mellora e integración paisaxística das entradas dos Camiños de Santiago, en Santiago de Compostela.
Das partes asinantes do protocolo, a Axencia Galega de Infraestruturas, adscrita á Consellería de Infraestruturas e Vivenda, encargaríase da execución material dos traballos que lle correspondan á Xunta de Galicia, de acordo co establecido no artigo 1 do Decreto 173/2011, do 4 de agosto, polo que se aproba o estatuto da Axencia Galega de Infraestruturas; e de acordo con encargo recibido o pasado mes de abril do 2017, adxudicáronse os traballos de redacción dos proxectos de construción, así como o control e vixilancia das obras de mellora e integración paisaxística das entradas dos Camiños de Santiago en Santiago de Compostela, de clave AC/17/012.10, que se desenvolverá en diferentes fases, e cuxo obxecto é buscar unha visión integral do Camiño de Santiago como fenómeno patrimonial, cultural e territorial único, independentemente dos diferentes itinerarios que conflúen no centro histórico compostelano: o Camiño Inglés, o Camiño Portugués, o Camiño da Vía da Prata, o Camiño Portugués e o Camiño de Fisterra.
Este proxecto ten como finalidade acadar unha imaxe identitaria internacional común ao longo do Camiño, concretamente para mellorar a integración do peregrino na entrada da cidade de Santiago de Compostela, facilitando a dita percepción e diminuíndo a tensión de tráfico sobre o Camiño, así como favorecendo a mobilidade peonil nesta área ao priorizar o peregrino sobre o tráfico rodado.
Froito de todo isto, elabórase o documento básico mellora e integración paisaxística das entradas dos Camiños de Santiago en Santiago de Compostela. Ámbito Camiño Portugués- Conxo, de clave AC/17/012.10.4, cuxo obxecto é reordenar o itinerario do Camiño de Santiago ao seu paso polo núcleo de Conxo de Abaixo, mellorando a visual do peregrino ao longo da traza do camiño e reducindo o tránsito de vehículos. Tamén cabe destacar a grande importancia que a dita actuación terá para os veciños do lugar.
As principais actuacións que se levarán a cabo serán:
– Ordenación e humanización das seccións viarias.
– Definición de elementos como pavimentos, mobiliario urbano, etc.
– Reordenación das zonas de estacionamento.
– Reordenación e humanización da fronte da Igrexa de Nosa Señora da Merced de Conxo.
Por último, o artigo 80 da Lei 5/2016, do 4 de maio, do patrimonio cultural de Galicia (DOG do 16 de maio) determina que a aprobación da delimitación dos Camiños de Santiago levará implícita a declaración de interese social e a de necesidade de ocupación dos bens e adquisición de dereitos para os fins de expropiación forzosa, de ocupación temporal ou de imposición ou modificación de servidumes tanto dos tramos necesarios para a funcionalidade da traza coma dos bens localizados no seu ámbito delimitado necesarios para a conservación, protección ou servizo do Camiño.
Considerando todo o exposto e o establecido na normativa vixente,
RESOLVO:
Primeiro. Declarar, de acordo co artigo 80 a Lei 5/2016, do patrimonio cultural de Galicia, de interese social, e a de necesidade de ocupación dos bens e adquisición de dereitos recollidos no documento básico mellora e integración paisaxística das entradas dos Camiños de Santiago en Santiago de Compostela. Ámbito Camiño Portugués-Conxo, de clave AC/17/012.10.1.
Segundo. Sométese ao trámite de información pública, para os efectos previstos nos artigos 18 e seguintes da Lei do 16 de decembro de 1954, de expropiación forzosa, e os concordantes do seu regulamento, a relación de bens e dereitos necesarios para a execución do documento básico mellora e integración paisaxística das entradas dos Camiños de Santiago en Santiago de Compostela. Ámbito Camiño Portugués-Conxo, por un período de vinte (20) días hábiles, contados a partir do seguinte ao de publicación deste anuncio no Diario Oficial de Galicia, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas da Coruña (rúa Vicente Ferrer, 2, 15008 A Coruña) , na Casa do Concello de Santiago de Compostela (Pazo de Raxoi, Praza do Obradoiro, 15705 Santiago de Compostela). Así mesmo, na páxina web da Consellería de Infraestruturas e Vivenda (http://civ.xunta.gal/organizacion/c/CIV_Axencia_Galega_de_Infraestruturas) atópase á disposición dos interesados o documento básico completo.
Santiago Compostela, 10 de xullo de 2018
Francisco Menéndez Iglesias
Director da Axencia Galega de Infraestruturas
ANEXO
Relación de bens, dereitos e propietarios afectados
Mellora e integración paisaxística das entradas dos Camiños de Santiago en Santiago de Compostela.
Ámbito Camiño Portugués-Conxo.
Clave AC/17/012.10.4.
Concello de Santiago de Compostela.
Nº |
Referencia catastral |
Titular |
Tipo |
Situación |
Cultivo/uso |
Solo |
Solo tipo 2 |
Superficie expropiación (m2) |
Bens |
1 |
15079A16800313 |
Boquete Albarellos, Manuel |
Urbanizable |
Reserva viario |
Labor ou labradío secaño |
60 reserva viario |
60 |
||
2 |
6059103NH3465G |
Fachado González, Francisco |
Urbano |
Reserva viario |
Solo sen edificar |
50 reserva viario |
50 |
– 20 ml peche bloque |
|
3 |
6059102NH3465G |
López Fernández, Dolores |
Urbano |
Reserva viario |
Solo sen edificar |
30 reserva viario |
30 |
||
4 |
6259215NH3465G |
Gómez Bernárdez, Concepción e Hna. |
Urbano |
Solo urbano (ordenanza nº 5) |
Residencial |
103 solo urbano (ordenanza nº 5) |
22 reserva viaria |
125 |
– 63 m2 vivenda – 55 m2 aparcadoiro/almacén |
5 |
6359402NH3466A |
Barral Montero, Julia Elvira (herdeiros de) |
Urbano |
Solo urbano non consolidado (NC P-30) zona libre (Zl-156) |
Solo sen edificar |
181 solo urbano non consolidado (NC p-30) zona libre (zl-156) |
181 |
||
6 |
6359463NH3466A |
Noya León, Dolores |
Urbano |
Solo urbano non consolidado (NC P-30) zona libre (Zl-156) |
Solo sen edificar |
313 solo urbano non consolidado (nc p-30) zona libre (Zl-156) |
313 |