En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante a Resolución do 15 de xuño de 2018, o cambio de actividade forestal a agrícola da parcela 46 do polígono 36 do termo municipal de Vilalba (Lugo).

O proxecto foi sometido previamente a avaliación ambiental simplificada e o informe de impacto ambiental foi formulado con data do 26 de xuño de 2018. O anuncio foi publicado no DOG núm. 72, do 13 de abril.

Lugo, 18 de xuño de 2018

María Olga Iglesias Fontal
Xefa territorial de Lugo