Para os efectos previstos no artigo 54 da Lei 7/2012, do 28 de xuño, de montes de Galicia, dáselle publicidade á proposta de deslindamento do MVMC do Carboeiro, Coto, Covas, Rapatoso e Outeiro con propiedades particulares, presentada o 4 de abril de 2018 pola comunidade de Santo Estevo de Folgosa.

Con data do 3 de xuño de 2018, o Servizo de Montes de Lugo emitiu un informe favorable ao considerar que non existe menoscabo da integridade do monte veciñal en man común (MVMC).

Contra a proposta de deslindamento, no prazo dun mes, que comezará a contar a partir do día seguinte ao da publicación deste anuncio, as persoas interesadas poderán presentar ante a comunidade propietaria as alegacións e os títulos que acrediten a propiedade ou a posesión dos predios afectados.

Durante este prazo, a documentación estará dispoñible no Servizo de Montes de Lugo, sito na rolda da Muralla, 70, baixo 2º, das 9.00 ás 14.00 horas, de luns a venres, para os efectos de coñecer integramente o contido da dita proposta.

Lugo, 19 de xuño de 2018

Mª Olga Iglesias Fontal
Xefa territorial de Lugo