Mediante a Orde do 15 de decembro de 2017, da Consellería de Economía, Emprego e Industria (DOG núm. 14, do 19 de xaneiro de 2018), establecéronse as bases reguladoras do certame Cooperativismo no Ensino 2018, dirixido ao alumnado dos centros educativos de Galicia, e procedeuse á súa convocatoria para o ano 2018.
Nas bases reguladoras establécese que os traballos participantes neste concurso serán avaliados por un tribunal e que a persoa titular da Secretaría Xeral de Emprego resolverá a concesión dos premios, que serán obxecto de publicación no Diario Oficial de Galicia.
Unha vez emitidas as propostas de concesión dos premios polos tribunais encargados de avaliar os traballos presentados, nas súas reunións do 15 de maio de 2018, e sen que fosen formuladas reclamacións, mediante a Resolución da Secretaría Xeral de Emprego, do 15 de xuño de 2018, aprobouse a concesión dos premios.
Por todo o anterior,
DISPOÑO:
Facer pública a concesión dos premios do certame Cooperativismo no Ensino 2018 dirixido ao alumnado dos centros educativos de Galicia que se relacionan no anexo que se xunta a esta resolución.
Santiago de Compostela, 18 de xuño de 2018
A secretaria xeral de Emprego
P.A. (Disposición adicional primeira do Decreto 135/2017, do 28 de decembro)
José Alfonso Marnotes González
Director xeral de Orientación e Promoción Laboral
ANEXO
Certame Cooperativismo no Ensino 2018
• Modalidade de actividades artísticas, dirixida ao alumnado dos centros de educación infantil, primaria e educación especial por categorías:
– Categoría A: alumnado de 2º ciclo de educación infantil.
Premio ao mellor traballo: Un mar de ideas, un traballo cooperativo do CEIP Plurilingüe Domaio.
Accésit: Bamboleo do CEIP San Miguel de Reinante.
– Categoría B: alumnado de 1º e 2º de educación primaria.
Premio ao mellor traballo: Coñecer o pasado para construír xuntos o futuro do CEIP Plurilingüe Domaio.
Accésit: Dixitalización do proxecto das terras raras do CEIP Sestelo Baión.
– Categoría C: alumnado de 3º e 4º de educación primaria.
Premio ao mellor traballo: Coidar o planeta é responsabilidade de todos do CEIP Plurilingüe Domaio.
Accésit: Coópera do CEIP San Miguel de Reinante.
– Categoría D: alumnado de 5º e 6º de educación primaria.
Premio ao mellor traballo: Cooperando... facemos a mellor das historias do CEIP Plurilingüe Domaio.
Accésit: Unha fórmula para cooperar do CEIP San Miguel de Reinante.
• Modalidade de actividades cooperativizadas, dirixida ao alumnado dos centros de educación secundaria obrigatoria e educación especial.
Premio ao mellor traballo: Asemblea Xeral do IES de Melide.
Accésit: Cross Designs, cooperativa estudantil do CPI O Cruce.
• Modalidade de proxectos empresariais cooperativos, dirixida ao alumnado dos centros de formación profesional e de ensinanzas de réxime especial.
Premio ao mellor proxecto empresarial cooperativo: Radon Innova Solucións (RADIS), S. Coop. Galega presentado polo alumnado do CIFP As Mercedes.
Accésit ao proxecto empresarial finalista: Aura, S. Coop. Galega presentado polo alumnado do CIFP Someso.
