Conforme os criterios reitores das bases de mobilidade voluntaria do persoal estatutario fixo, correspondentes ás categorías de persoal sanitario diplomado e de formación profesional e de persoal de xestión e servizos das institucións sanitarias de atención especializada do Servizo Galego de Saúde, aprobadas pola Mesa Sectorial de Sanidade o 23 de decembro de 2009, a Xerencia de Xestión Integrada de Santiago de Compostela, tras un proceso de negociación coa representación legal dos traballadores deste centro sanitario e con base nas competencias atribuídas polo Decreto 168/2010, do 7 de outubro, polo que se regula a estrutura organizativa de Xestión Integrada do Servizo Galego de Saúde (DOG núm. 199, do 15 de outubro) e a Orde do 22 de xullo de 2011 (DOG núm. 146, do 1 de agosto) pola que se desenvolve a estrutura organizativa de Xestión Integrada da Coruña e de Santiago de Compostela, así como o Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificada polo Decreto 111/2013, do 4 de xullo (DOG núm. 140, do 24 de xullo) e a Orde do 5 de xullo de 2012, sobre delegación de competencias en órganos centrais e periféricos do Servizo Galego de Saúde (DOG núm. 139, do 20 de xullo), a xerente de Xestión Integrada de Santiago de Compostela,

RESOLVE:

Primeiro. Anunciar a convocatoria do procedemento de traslados internos nas categorías de persoal de xestión e servizos do grupo administrativo e auxiliar administrativo da función administrativa, celador/a, pinche de cociña, costureiro/a, lavandeiro/a e pasador/a de ferro do persoal fixo no cadro de persoal do Complexo Hospitalario Universitario de Santiago de Compostela.

Segundo. As solicitudes para participar nesta convocatoria dirixiranse á Xerencia de Xestión Integrada de Santiago de Compostela e poderanse presentar no Rexistro Xeral da Xerencia de Xestión Integrada de Santiago de Compostela ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e en canto non se habilitaren, segundo o disposto no artigo 38 da Lei 30/1992 (BOE núm. 285, do 27 de novembro); o prazo iniciarase o día seguinte ao da publicación deste anuncio no Diario Oficial de Galicia e finalizará o día 15 de agosto de 2018.

Terceiro. As bases íntegras da convocatoria estarán expostas nos taboleiros de anuncios dos centros dependentes da Xerencia de Xestión Integrada de Santiago de Compostela, nos puntos de atención ao traballador (PAT) da Dirección de Recursos Humanos e na intranet da Xerencia de Xestión Integrada de Santiago de Compostela.

Santiago de Compostela, 15 de xuño de 2018

Eloína Núñez Masid
Xerente de Xestión Integrada de Santiago de Compostela