Para os efectos previstos na Lei 24/2013, do 26 de decembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa previa e da autorización administrativa de construción para as seguintes instalacións eléctricas:
Solicitante: Unión Fenosa Distribución, S.A.
Domicilio: A Batundeira, 2, 32960 Velle.
Denominación: ampliación da subestación San Cibrao 132/20 kV, con nova posición 132 kV de Cogeneración del Noroeste.
Situación: pol. Industrial San Cibrao das Viñas.
Características técnicas:
Ampliación da subestación con nova posición de liña a 132 kV, mediante a instalación de módulo híbrido para conectar as barras existentes a liña do cliente Cogeneración del Noroeste, en espazo libre xa habilitado –que figura no expediente IN407A 2012/70-3 (APM do 16 de decembro de 2014)–.
O citado módulo, modelo HYPACT de G.E.E., está composto por:
Un seccionador tripolar no lado de barras, 2.500 A e 40 kA; un seccionador tripolar na saída a liña, 2.500 A e 40 kA, motorizado e con dúas posicións (aberto e pechado); un interruptor automático tripolar, 2.500 A e 40 kA, de illamento e corte en gas SF6; un armario de control situado na propia estrutura do módulo cos seus aparellos propios e bornas de centralización; tres transformadores de intensidade de tipo toroidal de relación 200-400-800/5-5-5 A, e potencias e clases de precisión 15 VA cl 0,5, e 2×15 VA cl 5P 20, montados sobre os bushing; os seus correspondentes dispositivos de proteccións e medida que se instalará en armario á intemperie.
Autoválvulas; transformadores de tensión e de intensidade e sistema de proteccións, control, comunicacións, medida e RPM, así como a correspondente rede de terras.
Orzamento: 356.937,22 €.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1, 4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Ourense, 5 de xuño de 2018
Santiago Álvarez González
Xefe territorial de Ourense