Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións Públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese practicar...», mediante o presente anuncio convócanse a todas as persoas interesadas para o acto de pagamento dos prezos xustos e xuros, derivados do procedemento expropiatorio sobre os bens e dereitos afectados pola instalación eléctrica denominada «repotenciación do parque eólico Malpica», nos concellos de Malpica de Bergantiños e Ponteceso (expediente IN661A 2014/1-1), correspondentes aos predios e ás titularidades que se sinalan no cadro anexo que máis abaixo se detalla e que terá lugar nas oficinas da casa consistorial correspondente.

A Coruña, 12 de xuño de 2018

Isidoro Martínez Arca
Xefe territorial da Coruña

ANEXO

Expediente: IN661A 2014/1-1.

Entidade beneficiaria: Pemalsa.

Denominación da instalación: repotenciación do parque eólico Malpica.

Concellos: Malpica de Bergantiños e Ponteceso.

Predio	Concello	Titularidade proposta	Data de pagamentos	Hora
50	Malpica de Bergantiños	Herdeiros de Manuel Pampín Lema	5.7.2018	10.00
206	Ponteceso	Bautista Ordóñez García	5.7.2018	11.30
230	Ponteceso	Herminio Ordóñez García	5.7.2018	11.30
284	Ponteceso	Aurora Rellán García e José Varela Calvo	5.7.2018	12.00