O Acordo de concentración parcelaria da zona do Pereiro-As Oiras (Alfoz-Lugo) foi aprobado pola dirección xeral competente por razón da materia con data do 1 de agosto de 2008, publicado e notificado na forma legalmente establecida, e atópase na actualidade pendente de firmeza.

Con posterioridade a estes actos, o Concello de Alfoz solicitou a cesión da titularidade dos predios que a seguir se indican:

• Predios nos 199, 268, 435, 561 e 628 para depósitos de madeira.

• Predios nº 379 para ampliación do cemiterio.

• Predios nº 408 contorno da igrexa do Pereiro.

• Predios nº 612 contorno da igrexa das Oiras.

Vista a proposta da Xunta Local da zona, a disposición transitoria primeira da Lei 4/2015, do 17 de xuño, de mellora da estrutura territorial agraria de Galicia; a Lei de reforma e desenvolvemento agrario, do 12 de xaneiro de 1973; a Lei 10/85, do 14 de agosto, de concentración parcelaria para Galicia, modificado pola Lei 12/2001, do 10 de setembro; a Lei 6/2011, do 13 de outubro, de mobilidade de terras; a Lei 30/1992, do 26 de novembro, de réxime xurídico das administracións públicas e do procedemento administrativo común na súa redacción segundo a Lei 4/1999, do 13 de xaneiro, e demais disposicións vixentes de aplicación ao caso.

Á vista dos destinos para os cales se solicitan os referidos predios e respecto dos cales son perfectamente subsumibles no suposto recollido no artigo 32 da antedita lei galega, esta dirección xeral

RESOLVE:

1º. Modificar o Acordo de concentración parcelaria da zona do Pereiro-As Oirás (Alfoz-Lugo), no sentido de adxudicar ao Concello de Alfoz a titularidade dos predios nos 199, 268, 379, 408, 435, 561, 612 e 628 –que causan baixa no fondo de terras da zona– para seren destinadas aos fins que se recollen na parte expositiva da presente resolución.

2º. Transcorridos cinco anos desde a cesión das propiedades sen que os predios fosen destinados aos fins para os cales son adxudicados, a titularidade dos referidos predios reverterá sobre o fondo de terras ou masa común da zona, o patrimonio da comunidade autónoma, a Axencia Galega de Desenvolvemento Rural (Agader) ou outra entidade que corresponda, segundo o caso.

Lugo, 31 de maio de 2018

María Olga Iglesias Fontal
Xefa territorial de Lugo