En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais, se acordou depositar, con data do 5 de xuño de 2018, os estatutos do Sindicato de Profesionais Galega Pública (Prosagap), como consecuencia da fusión do sindicato Sanitarios Públicos Galegos (Sagap) e a Agrupación Sindical de Profesionales de la Salud de Galicia (Prosagal), de acordo ao seguinte:
Ámbito territorial: Comunidade Autónoma de Galicia.
Ámbito profesional: poderán ser membros os/as traballadores/as que presten os seus servizos dentro do ámbito territorial do sindicato e que reúnan as condicións profesionais a que se refire o artigo 3, coa única condición de cumprir estes estatutos e os principios éticos fixados neles.
Asinan a acta de constitución: Mª Luisa Enríquez, Mª Virginia Ramos, Elisabeth Dosil, Carolina Iñarrea e Áurea Rivas Vilas.
Santiago de Compostela, 5 de xuño de 2018
Covadonga Toca Carús
Secretaria xeral de Emprego