O Pleno Municipal de Cambre, na súa sesión ordinaria do 31 de maio de 2018, acordou aprobar inicialmente a modificación puntual das normas subsidiarias do planeamento de Cambre no ámbito da N-VI, redactado polo arquitecto Alfonso Díaz Revilla de Oficina de Planeamiento, S.A. O que se fai público para xeral coñecemento.
Tanto este instrumento de planeamento como o seu expediente se someten a información pública durante o prazo de dous meses, mediante anuncios no Diario Oficial de Galicia e nun dos xornais de maior difusión da provincia, de conformidade co artigo 60.6 da Lei 2/2016, do solo de Galicia.
Durante o citado prazo, contado a partir do día seguinte ao da publicación deste anuncio no Diario Oficial de Galicia, poderanse formular as alegacións que se consideren pertinentes.
O expediente poderá ser consultado nas oficinas da Área de Urbanismo deste concello de luns a venres, das 9.00 ás 14.00 horas.
Cambre, 5 de xuño de 2018
O alcalde
P.D. (Resolución 1841/2016, do 18 de novembro)
Juan González Leirós
Concelleiro delegado da Área de Urbanismo,
Obras e Medio Ambiente