Mediante a Resolución da Alcaldía, do 7 de xuño de 2018, convócase o proceso de selección para a contratación dun/dunha auxiliar de biblioteca, asimilado ao grupo C, subgrupo C2, e cun nivel 12 de complemento de destino, cunha xornada de 37 horas e media semanais, baixo a modalidade de funcionario interino, para a realización do Programa de apoio á biblioteca pública municipal Rosalía de Castro, durante a implantación do sistema integrado de xestión (KOHA).
O período de duración será de cinco meses e rematará, en todo caso, o día 31 de decembro de 2018.
O prazo de presentación de solicitudes e documentación é de dez (10) días hábiles contados desde o seguinte ao da publicación deste anuncio no Diario Oficial de Galicia.
As bases estarán á disposición dos interesados nas oficinas municipais e na páxina web do concello, e tamén serán publicadas no BOP.
Arzúa, 12 de xuño de 2018
José Luis García López
Alcalde